ବଲାଙ୍ଗିର (ଦେବେନ୍ଦ୍ର)ତିନି ଗୋଟି ସନ୍ତାନର ମାଆ ସରପଞ୍ଚ | 2024 ପଞ୍ଚାୟତ ନିର୍ବାଚନ ରେ ସରପଞ୍ଚ ପଦରେ ଆସିନ | ଗ୍ରାମ ପଞ୍ଚାୟତ ମାନୁଆଲ ଏବଂ ଆଇନକୁ ଜଳାଞ୍ଜଳି ଦେଇ କଳ ବଳ କୌଶଳ କରି ହୋଇଗଲେ ସରପଞ୍ଚ | ସରପଞ୍ଚଙ୍କର ତିନି ଗୋଟି ସନ୍ତାନ ଥିବା ସତ୍ୱେ ଦୁଇ ଗୋଟି ସନ୍ତାନ ଦର୍ଶାୟୀ ମିଥ୍ୟା ସତ୍ୟପାଠ କରିଥିଲେ | ନିର୍ବାଚନ ସମୟରେ ସ୍କୃଟୁନି ରେ ମଧ୍ୟ ଆଇନ କାନୁନ କିଛି କରି ପାରିଲା ନାହିଁ | ନିର୍ବାଚନ ଦାୟିତ୍ୱରେ ଥିବା ଅଧିକାରୀ ମାନେ ମଧ୍ୟ ଆଖି ବୁଜିଦେଲେ | ନିର୍ବାଚନରେ ଜିତିଗଲେ ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ତମିଆ ସରପଞ୍ଚ ତେହେରା ବିବି | ଏହି ଘଟଣାକୁ ନେଇ ନିକଟତମ ପ୍ରତିଦ୍ବନ୍ଦୀ ସେବତୀ ଭୋଇ ମାନ୍ୟବର ଅତିରିକ୍ତ ଜିଲ୍ଲା ଦୌରାଜଜଙ୍କ ଦ୍ୱାରସ୍ଥ ହୋଇଥିଲେ ମାନ୍ୟବର ନ୍ୟାୟାଧିସ ସରପଞ୍ଚଙ୍କ ପଦବୀକୁ ଅସିଦ୍ଧ ଘୋଷଣା କରିଥିଲେ | ଚେଲେଞ୍ଜ କରି ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଥିଲେ ସରପଞ୍ଚ ତେହେରା ବିବି ପୁଣି ମାନ୍ୟବର ଉଚ୍ଚ ନ୍ୟାୟାଳୟ ଗତ ତା. 13/02/26 ରିଖରେ ସରପଞ୍ଚ ପଦବୀକୁ ଅସିଦ୍ଧ ଘୋଷଣା କରିଥିଲେ | ମାନ୍ୟବର ଉଚ୍ଚ ନ୍ୟାୟାଳୟ ନିର୍ଦ୍ଧେଶ ଦେବାର ଦୀର୍ଘ ଦିନ ପରେ ମଧ୍ୟ ବଲାଙ୍ଗୀର ଜିଲ୍ଲାପାଳ ଅସିଦ୍ଧ ଘୋଷିତ ସରପଞ୍ଚ କୁ ବହିଷ୍କାର ନକରି ଆଇନ ଅନୁସାରେ ଦାୟିତ୍ୱ ହସ୍ତାନ୍ତର କରିନଥିବାରୁ ଆଜି ବାଧ୍ୟ ହୋଇ ଜିଲ୍ଲା ଆଦିବାସୀ କଲ୍ୟାଣ ସଂଘ ତମିଆ ଗ୍ରାମ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ସଂଘର ଯୁଗ୍ମ ସମ୍ପାଦକ ଗିରିରାଜ ଭୋଇଙ୍କ ନେତୃତ୍ୱରେ ଧାରଣା ଦେଇଥିଲା | ଗେଟ ସମ୍ମୁଖରେ ମାନ୍ୟବର ଉଚ୍ଚ ନ୍ୟାୟାଳୟ ଦ୍ୱାରା ଅସିଦ୍ଧ ଘୋଷିତ ସରପଞ୍ଚକୁ ବହିଷ୍କାର କର ଆମର ଦାବୀ ବୋଲି ନାରାବାଜି କରିଥିଲେ | ପରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା | ଘଟଣା ସ୍ଥଳକୁ ପାଟଣାଗଡ଼ ଗୋଷ୍ଠୀ ଉନ୍ନୟନ ଅଧିକାରୀ ସୁମନ ମିଞ୍ଜ, ଅତିରିକ୍ତ ତହସିଲଦାର ଅର୍ଜୁନ ମାଝୀ ପହଁଞ୍ଚି ଆନ୍ଦୋଳନକାରି ମାନଙ୍କୁ ବୁଝାସୁଝା କରିଥିଲେ | ବହିଷ୍କାର କର ଦାବୀରେ କିଛି ସମୟ ଆନ୍ଦୋଳନକାରି ମାନେ ଅଡ଼ି ବସିଥିଲେ | ପାଟଣାଗଡ଼ ଉପଜିଲ୍ଲାପାଳ ତିନି ଦିନ ମଧ୍ୟରେ ସମାଧାନ କରିବାକୁ ପ୍ରତିଶୃତି ଦେଇଥିବାରୁ ଆନ୍ଦୋଳନରୁ ଓହରି ଥିଲେ ଆନ୍ଦୋଳନକାରି | ଶାନ୍ତି ଶୃଙ୍ଖଳା ପାଇଁ ଲରମ୍ଭା ଥାନାଧିକାରୀ ଭାନୁ ପ୍ରତାପ ଯାଦବଙ୍କ ସହିତ ଦୁଇ ପ୍ଲାଟୁନ ପୋଲିସ ଫୋର୍ସ ମୁତୟନ ଥିଲେ | ଆଜିର ଆନ୍ଦୋଳନରେ ଅନ୍ୟ ମାନଙ୍କ ମଧ୍ୟରେ ବିରଞ୍ଚି ବୁଡ଼େକ, ମଙ୍ଗଳୁ ବରିହା,ଅକ୍ଷୟ ବରିହା, ଖୁସି ଭୋଇ,ସହଦେଵ ଧରୁଆ, ସାନ ଭୋଇ, ମୋତିରାମ ବରିହା, ଗୁଣନିଧି ବରିହା,ଯୋଗେଶ୍ୱର ଭୋଇ, ଶେଷଦେବ ବେହେରା, ହୀରାଧର ଭୋଇ, ଚୂଡ଼ାମଣି ଧରୁଆ, ଶ୍ରୀକୃଷ୍ଣ ବରିହା, ଯଂଜ୍ଞ ଧରୁଆ, ଖଗପତି ବିଶ୍ୱାଳ, ଦୟାନିଧି ବରିହା, ପିଣ୍ଟୁ ବୁଡ଼େକ ପ୍ରମୁଖ ଉପସ୍ଥିତ ଥିଲେ |
ଚର୍ଚ୍ଚା news
