BY-ରାଜୀବ କୁମାର ବେହେରା
ଉଦଳା ମୟୂରଭଞ୍ଜ ଜିଲ୍ଲା ଉଦଳା ବ୍ଲକ ଅନ୍ତର୍ଗତ ଶ୍ରୀଦାମଚନ୍ଦ୍ରପୁର ଗ୍ରାମ ପଞ୍ଚାୟତର ଖୋଡିକାଶୋଳ ଗ୍ରାମରେ ଅବସ୍ଥିତ ‘କଙ୍କା ବୁଢ଼ୀ’ ବନ୍ଧରେ ଆଜି ପାରମ୍ପରିକ ମାଛଧରା ପର୍ବ ଉତ୍ସାହ ଓ ଆନନ୍ଦର ସହିତ ଅନୁଷ୍ଠିତ ହୋଇଛି।
ପ୍ରତିବର୍ଷ ଭଳି ଏହି ବର୍ଷ ମଧ୍ୟ ବନ୍ଧକୁ ସାଧାରଣ ଲୋକଙ୍କ ପାଇଁ ମାତ୍ର ଏକ ଦିନ ପାଇଁ ଖୋଲାଯାଇଥିଲା। ସ୍ଥାନୀୟ ପ୍ରଥା ଅନୁଯାୟୀ, ମାତ୍ର ୫୦ ଟଙ୍କା ଦେୟ ଦେଇ ଯେକୌଣସି ବ୍ୟକ୍ତି ବନ୍ଧ ଭିତରକୁ ପ୍ରବେଶ କରି ମାଛ ଧରିବାର ସୁଯୋଗ ପାଇଥିଲେ।
ସକାଳୁ ସକାଳୁ ପାଖା ପାଖୀ ଅଞ୍ଚଳର ଶହ ଶହ ପୁରୁଷ ଓ ମହିଳା ଜାଲ, ମୋଥାମାରି ଆଦି ସାମଗ୍ରୀ ନେଇ ବନ୍ଧ ଭିତରକୁ ଓହ୍ଲାଇ ମାଛ ଧରିବାରେ ବ୍ୟସ୍ତ ହୋଇପଡ଼ିଥିଲେ। ବନ୍ଧ କୂଳରେ ମଧ୍ୟ ବହୁ ସଂଖ୍ୟକ ଲୋକ ଭିଡ଼ ଜମାଇ ଏହି ନିଆରା ଦୃଶ୍ୟକୁ ଉପଭୋଗ କରୁଥିଲେ।
ଏହି ପର୍ବ କେବଳ ମାଛ ଧରିବାକୁ ସୀମିତ ନ ଥାଇ ଗ୍ରାମୀଣ ସମ୍ପ୍ରୀତି ଓ ପରମ୍ପରାର ଏକ ସୁନ୍ଦର ପ୍ରତିକ ଭାବେ ପରିଚିତ। ପିଲାଠୁ ବୃଦ୍ଧ ପର୍ଯ୍ୟନ୍ତ ସମସ୍ତଙ୍କ ଭାଗ ନେଇଛନ୍ତି, ଏହାକୁ ଗଣପର୍ବର ରୂପ ଦେଇଥିଲା।
ସ୍ଥାନୀୟ ଲୋକମାନେ ଏହି ନିଆରା ସୁଯୋଗକୁ ବେଶ୍ ଉତ୍ସାହର ସହିତ ଉପଭୋଗ କରୁଥିବା ବେଳେ, ଏହି ପାରମ୍ପରିକ ପର୍ବ ଅଞ୍ଚଳରେ ଆକର୍ଷଣର କେନ୍ଦ୍ରବିନ୍ଦୁ ହୋଇଛି l
ଚର୍ଚ୍ଚା news
