BY-ରାଜୀବ କୁମାର ବେହେରା
ଉଦଳା : କାଳ ବୈଶାଖୀ ଝଡ଼ ବର୍ଷାରେ ଉଦଳା ଵିଜ୍ଞାପିତ ଅଞ୍ଚଳ ପରିଷଦ ର ୧୨ ନମ୍ବର ୱାର୍ଡ ରେ ନୂତନ ମଟନ ଓ ଚିକେନ ମାର୍କେଟର ଦୟନୀୟ ଚିତ୍ର ସାମ୍ନାକୁ ଆସିଛି। ଚାରିଆଡ଼େ ପାଣି ଭରିଯାଇ ଆଣ୍ଠୁଏ ଯାଏ ପାଣି ଛିଡା ହୋଇଥିବାରୁ ମାର୍କେଟ ଭିତରକୁ ପସିବାକୁ ଗ୍ରାହକ ନାରାଜ ହେଉଛନ୍ତି। ଦୂଇ ତିନିମାସ ହେବ ଏହି ମାର୍କେଟ କୁ ସମସ୍ତ ଆମିଷ ଦୋକାନୀ ଙ୍କୁ ସ୍ଥାନାନ୍ତର କରାଯାଇ ବିସ୍ଥାପିତ କରା ଯାଇ ଥିଲା l ହେଲେ ମାର୍କେଟ ରେ ମୌଳିକ ସୁବିଧା ଠିକ ଠାକ ନଥିବା ଅଭିଯୋଗ ହୋଇଛି l
ଫଳରେ ଦୋକାନୀମାନେ ହନ୍ତସନ୍ତ ଅବସ୍ଥାରେ ପଡ଼ିଥିବା ବେଳେ, ବ୍ୟବସାୟ ପୂରା ପ୍ରଭାବିତ ହୋଇଛି। ଜୀବନ ଜୀବିକା ଏବେ ବାଜିରେ ପଡ଼ିଛି ବୋଲି ଦୋକାନୀମାନେ କହିଛନ୍ତି।
ସ୍ଥାଇ ଦୋକାନ ଗୃହ ନଥିବା କାରଣରୁ ବର୍ଷା ପବନ ବେଳେ ଭୟଙ୍କର ସମସ୍ୟା ହେଉଛି l ଏତେ ଅସୁବିଧା ସତ୍ତ୍ୱେ ମଧ୍ୟ ପାଲ ଟାଣି ଦୋକାନ ଚଳା ଇବାକୁ ବାଧ୍ୟ ହେଉଛନ୍ତି ବ୍ୟବସାୟୀମାନେ।
ତେବେ ଦୋକାନୀମାନେ ପ୍ରଶାସନଙ୍କ ସ୍ଥାନାନ୍ତର ନିଷ୍ପତ୍ତିକୁ ସ୍ୱାଗତ କରିଥିଲେ ମଧ୍ୟ, ଏଯାବତ ନୂତନ ମାର୍କେଟରେ ମୌଳିକ ସୁବିଧାର ଅଭାବ ନେଇ ଅସନ୍ତୋଷ ପ୍ରକାଶ କରିଛନ୍ତି ଗ୍ରାହକ ଏବଂ ଦୋକାନୀ।
ଦୋକାନ ପିଣ୍ଡି,ସ୍ଥାଇ ଦୋକାନ ଘର, ଶୌଚାଳୟ ଓ ଡ୍ରେନେଜ୍ ବ୍ୟବସ୍ଥା, ସମତଳ ଜାଗା ନଥିବାରୁ ଦୋକାନୀ ଓ ଗ୍ରାହକ ଦୁହେଁ ନାନା ସମସ୍ୟାରେ ପଡ଼ୁଛନ୍ତି।
ଯଥାଶୀଘ୍ର ଏହି ସମସ୍ୟାଗୁଡ଼ିକର ସମାଧାନ କରାଗଲେ ଦୋକାନୀ ଓ ସାଧାରଣ ଲୋକେ ଉପକୃତ ହେବେ ବୋଲି ଦାବି ଉଠିଛି।
ଆଗକୁ ଦେଖିବାକୁ ବାକି ଅଛି ଏହି ଅବ୍ୟବସ୍ଥା ପ୍ରତି କେବେ ପ୍ରଶାସନ ର ନଜର ପଡୁଛି ଆଉ କେବେ ଏହାର ସମାଧାନ ହେଉଛି ଲ
ଚର୍ଚ୍ଚା news
