ମଧ୍ୟ ପ୍ରାଚ୍ୟରେ ଯୁଦ୍ଧ ପରିସ୍ଥିତି ଯୋଗୁ ଦେଖାଦେଇଥିବା ଗ୍ୟାସ ସଙ୍କଟ ସମୟରେ ଏକମାତ୍ର ବିକଳ୍ପଭାବେ ଉଭା ହୋଇଛି ପାଇପ୍ ଯୋଗେ ପ୍ରାକୃତିକ ଗ୍ୟାସ (ପିଏନ୍ଜି) ଯୋଗାଣ। ତେବେ ରାଉରକେଲାବାସୀଙ୍କ ପାଇଁ ସିଟି ଗ୍ୟାସ୍ ବିତରଣ ::
ରାଉରକେଲା : ମଧ୍ୟ ପ୍ରାଚ୍ୟରେ ଯୁଦ୍ଧ ପରିସ୍ଥିତି ଯୋଗୁ ଦେଖାଦେଇଥିବା ଗ୍ୟାସ ସଙ୍କଟ ସମୟରେ ଏକମାତ୍ର ବିକଳ୍ପଭାବେ ଉଭା ହୋଇଛି ପାଇପ୍ ଯୋଗେ ପ୍ରାକୃତିକ ଗ୍ୟାସ (ପିଏନ୍ଜି) ଯୋଗାଣ। ତେବେ ରାଉରକେଲାବାସୀଙ୍କ ପାଇଁ ସିଟି ଗ୍ୟାସ୍ ବିତରଣ (ସିଜିଡି) ପ୍ରକଳ୍ପ ଏକ ସ୍ୱପ୍ନ ହୋଇ ରହିଯାଇଛି। କାରଣ ଗେଲ୍ ଗ୍ୟାସ୍ ଲିମିଟେଡ୍ର ମନ୍ଥର କାର୍ଯ୍ୟ ଯୋଗୁ ସହରବାସୀ ପିଏନ୍ଜି ସଂଯୋଗ ପାଇବାରୁ ବଞ୍ଚିତ। ପ୍ରାୟ ୮ ବର୍ଷ ପୂର୍ବେ, ଅର୍ଥାତ୍ ୨୦୧୮ ମସିହାରେ ସୁନ୍ଦରଗଡ଼ଜିଲ୍ଲା ପାଇଁ ପ୍ରକଳ୍ପକୁ ଅନୁମୋଦିତ ହୋଇଥିବାବେଳେ ଏଯାଏ କିନ୍ତୁ ଆଶାନୁରୂପ ଅଗ୍ରଗତି ହୋଇନି। ପ୍ରକଳ୍ପ କାର୍ଯ୍ୟାନ୍ବୟନରେ ବିଭାଗୀୟ କର୍ତ୍ତୃପକ୍ଷଙ୍କ ଚିରାଚରିତ ଖାମଖିଆଲି ନୀତି ହିଁ ଏହାର ମୁଖ୍ୟ କାରଣ ପାଲଟିଛି।
ଏହି ପ୍ରକଳ୍ପ ଆରମ୍ଭରୁ ବେଗ ଧରିପାରୁନି। ୨୦୧୮ରେ ଅନୁମୋଦିତ ହୋଇଥିଲେ ସୁଦ୍ଧା ପ୍ରାୟ ଦୁଇ ବର୍ଷ ପୂର୍ବେ, ଅର୍ଥାତ୍ ୨୦୨୩ରେ ପ୍ରକଳ୍ପ କାର୍ଯ୍ୟକ୍ଷମ ହୋଇଥିଲା। ଲକ୍ଷ୍ୟଥିଲା, ରାଉରକେଲା ସମେତ ଜିଲ୍ଲାର ପ୍ରାୟ ୧ ଲକ୍ଷ ପରିବାରକୁ ପିଏନ୍ଜି ସଂଯୋଗ କରିବା। କିନ୍ତୁ ଏପର୍ଯ୍ୟନ୍ତ ରାଉରକେଲାରେ ପାଖାପାଖି ୨୫୦୦ ପରିବାରକୁ ସଂଯୋଗୀକରଣ ସମ୍ଭବ ହୋଇଛି। ଛେଣ୍ଡ କଲୋନି, କଳିଙ୍ଗବିହାର ଫେଜ୍-୧, ୨ ଓ ୩, ସିଭିଲ୍ ଟାଉନସିପ୍, କୋଏଲନଗର, ଜଗଦା, ଝିରପାଣି, ଆର୍ଏସ୍ପି ସହରାଞ୍ଚଳରେ ସଂଯୋଗୀକରଣ ସୀମିତ ।
ତେବେ ବାସନ୍ତୀକଲୋନି, ଉଦିତନଗର, ପାନପୋଷ ଆଦି ପ୍ରମୁଖ ଅଞ୍ଚଳକୁ ସେବା ଅପହଞ୍ଚ ହୋଇରହିଛି। ସର୍ଭେଠାରୁ ଆରମ୍ଭକରି ପାଇପ୍ ଲାଇନ୍ ବିଛାଇବା, ମିଟର୍ ସ୍ଥାପନ ଯାଏ, ପ୍ରତ୍ୟେକ କ୍ଷେତ୍ରରେ ପ୍ରକ୍ରିୟା ମାସ ମାସ ଧରି ଅଟକି ରହୁଛି। ଅବଶ୍ୟ, ରାସ୍ତା ମରାମତିବେଳେ ପାଇପ୍ ଫାଟିବା, ବୈଷୟିକ ଅନୁମୋଦନରେ ବିଳମ୍ବ, ଆଦି ଅନ୍ୟତମ କାରଣ ପାଲଟିଛି। ଖୁବଶୀଘ୍ର ଆଉ ୨ ହଜାର ପରିବାରକୁ ଯୋଡ଼ିବାକୁ ୧୫୦ କିଲୋମିଟର ପାଇପ୍ ଲାଇନ୍ର ବିସ୍ତାର ସଂଯୋଗ କରିବାକୁ ଗେଲ୍ ଲକ୍ଷ୍ୟଧାର୍ଯ୍ୟ କରିଛି ତେବେ ବର୍ତ୍ତମାନର ମନ୍ଥର ଗତି ଏହାର ଲକ୍ଷ୍ୟ ହାସଲନେଇ ପ୍ରଶ୍ନବାଚୀ ସୃଷ୍ଟି କରିବା ସ୍ବାଭାବିକ।
ଉଲ୍ଲେଖଯୋଗ୍ୟ, ବୋକାରୋରୁ ରାଉରକେଲା, ଝାରସୁଗୁଡା ଓ ଅନୁଗୁଳ ଦେଇ ଶ୍ରୀକାକୁଲମ ପର୍ଯ୍ୟନ୍ତ ଗେଲ୍ର କ୍ରସ୍-କଣ୍ଟ୍ରି ପାଇପଲାଇନ ସୁନ୍ଦରଗଡ଼ ସହରଠାରୁ ବହୁତ ଦୂରରେ ଅବସ୍ଥିତ। ତେଣୁ ଆବଶ୍ୟକ ଭିତ୍ତିଭୂମି ସୃଷ୍ଟି ନହେବା ପର୍ଯ୍ୟନ୍ତ ହାଲୁକା ବାଣିଜ୍ୟିକଯାନ ମାଧ୍ୟମରେ ସହରକୁ ଯୋଗାଣ କରାଯିବାର ଏକ ବିକଳ୍ପ ରହିଛି। ତେବେ ଗେଲ୍ କର୍ତ୍ତୃପକ୍ଷ ଏହି ବିକଳ୍ପକୁ ବାଛିବେ ନା ନାହିଁ, ତାହା ସମୟ କହିବ। ବର୍ତ୍ତମାନ ରାଜଗାଙ୍ଗପୁର ସହର ନିକଟରେ ପାଇପ୍ ଲାଇନ ଭିତ୍ତିଭୂମି କାର୍ଯ୍ୟ ଚାଲିଥିବାବେଳେ ପରବର୍ତ୍ତୀ ପର୍ଯ୍ୟାୟରେ ସୁନ୍ଦରଗଡ଼, କୁଆଁରମୁଣ୍ଡା ବ୍ଲକ, ବୀରମିତ୍ରପୁର ସହରକୁ ଅନ୍ତର୍ଭୁକ୍ତ କରାଯିବ। ତେବେ ଏଯାଏ ଜମି ଅଧିଗ୍ରହଣ ପ୍ରକ୍ରିୟା ସଂପନ୍ନ ହୋଇନଥିବାରୁ ଏହି ଅଞ୍ଚଳବାସୀଙ୍କୁ ପିଏନ୍ଜି ସେବା ପାଇବାକୁ ଅନ୍ୟୁନ |
ଚର୍ଚ୍ଚା news
