ପୋଖରୀରେ ବୁଡି ୩ ବର୍ଷର ନାବାଳକଙ୍କ ମୃତ୍ୟୁ: ଅବହେଳା କି ଦୁର୍ଘଟଣା?

ଉଦଳା- ( ରାଜୀବ କୁମାର ବେହେରା)- ବରହମପୁର ଥାନା ଅଧୀନ ଜାମୁନା ଗ୍ରାମରେ ଘଟିଛି ଏକ ହୃଦୟବିଦାରକ ଘଟଣା। ପୋଖରୀରେ ବୁଡି ମାତ୍ର ୩ ବର୍ଷର ଏକ ନିର୍ଦୋଷ ଶିଶୁର ଜୀବନ ଚାଲିଗଲା।
ସୂଚନା ଅନୁଯାୟୀ, ଗତକାଲି ସନ୍ଧ୍ୟାରେ ଶିଶୁଟି ଘର ଆଗରେ ଖେଳୁଥିବା ବେଳେ ଅଜାଣତେ ପୋଖରୀ ପାଖକୁ ପହଞ୍ଚିଥିଲା। କିଛି ମୁହୂର୍ତ୍ତର ଅସାବଧାନତା ହେଲା ଜୀବନର ଶେଷ ମୂଲ୍ୟ—ପାଣିରେ ବୁଡି ଯାଇଥିଲା ଶିଶୁଟି।
ପରିବାରଲୋକ ତୁରନ୍ତ ଉଦଳା ଡାକ୍ତରଖାନାକୁ ନେଇଥିଲେ, କିନ୍ତୁ ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ।
ଏହି ଘଟଣା ପରେ ସମଗ୍ର ଗ୍ରାମ ଶୋକାକୁଳ। କାନ୍ଦୋବୋବାଳିରେ ଭାରୀ ହୋଇପଡିଛି ପରିବେଶ। ଏକ ପଟେ ପରିବାରର ଅସହ୍ୟ ବେଦନା, ଅନ୍ୟପଟେ ପ୍ରଶ୍ନ—ଏହା କେବଳ ଦୁର୍ଘଟଣା ନା କାହାରି ଅବହେଳା?
ଖୋଲା ପୋଖରୀ, ନଥିବା ସୁରକ୍ଷା ବ୍ୟବସ୍ଥା, ଏବଂ ଶିଶୁ ସୁରକ୍ଷା ପ୍ରତି ଅସଚେତନତା—ଏହି ସବୁ ଆଜି ଏକ ନିର୍ଦୋଷ ଜୀବନକୁ ନେଇନେଲା।
ପ୍ରଶାସନଙ୍କ ପାଇଁ ପ୍ରଶ୍ନ—କେବେ ହେବ ଗ୍ରାମାଞ୍ଚଳରେ ପୋଖରୀଗୁଡିକର ସୁରକ୍ଷା ବ୍ୟବସ୍ଥା? କେତେ ଜୀବନ ଯିବା ପରେ ଆସିବ ସଚେତନତା?
ସଚେତନ ହୁଅନ୍ତୁ
ଛୋଟ ପିଲାମାନଙ୍କୁ ଏକାକୀ ଛାଡନ୍ତୁ ନାହିଁ। ପୋଖରୀ, କୁଅ, ନାଳ ପାଖରେ ସତର୍କ ରୁହନ୍ତୁ