ସାଲେପୁର :ନିଶ୍ଚିନ୍ତକୋଇଲି ଓ ସାଲେପୁର ଅଗ୍ନିଶମ କେନ୍ଦ୍ରର କର୍ମଚାରୀମାନେ ଯୁକ୍ତଭାବେ କଟକ ଜିଲ୍ଲାର ସାଲିପୁର ଥାନା ଅନ୍ତର୍ଗତ ଜନାର୍ଦ୍ଧନପୁର ନିକଟସ୍ଥ କୁଲିଆ ଗ୍ରାମ ପାଖରେ ଥିବା ଚିତ୍ରୋତ୍ପଳା ନଦୀରେ ଡୁବିଯାଇଥିବା ଜଣେ ବ୍ୟକ୍ତିଙ୍କୁ ଖୋଜିବା ପାଇଁ ଯୋରଦାର ସନ୍ଧାନ ଓ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଜନାର୍ଦ୍ଧନପୁର ବ୍ରିଜ୍ ନିକଟରେ ଘଟିଥିବା ଏହି ଘଟଣା ସମ୍ପର୍କରେ ୧୧୨ ନିୟନ୍ତ୍ରଣ କକ୍ଷରୁ ସୂଚନା ମିଳିବା ସହିତ ସତ୍ୱରେ ଉଭୟ ଅଗ୍ନିଶମ କେନ୍ଦ୍ରର ଟିମ୍ ଘଟଣାସ୍ଥଳରେ ପହଞ୍ଚି ନଦୀ ଭିତରେ ଏବଂ ପାର୍ଶ୍ୱବର୍ତ୍ତୀ ଅଞ୍ଚଳରେ ତଲାଶି କାର୍ଯ୍ୟ ଆରମ୍ଭ କରିଥିଲେ। ପାଣିର ପ୍ରବାହ ଓ ପରିସ୍ଥିତିକୁ ଦୃଷ୍ଟିରେ ରଖି ସତର୍କତା ସହିତ ରେସ୍କ୍ୟୁ ଟିମ୍ ଖୋଜାଖୋଜି କରୁଥିବା ବେଳେ, ଏହି ଅଭିଯାନ ଏବେ ବି ଅବ୍ୟାହତ ରହିଛି ଓ ଡୁବିଯାଇଥିବା ବ୍ୟକ୍ତିଙ୍କୁ ସଘନ ସନ୍ଧାନ ମାଧ୍ୟମରେ ଶୀଘ୍ର ଖୋଜିବା ପାଇଁ ପ୍ରୟାସ ଜାରି ରହିଛି ।
ଚର୍ଚ୍ଚା NEWS
