BY-ରବିନ୍ଦ୍ର ନାଥ ମହାପାତ୍ର
ଆଜି ସ୍ଥାନୀୟ ଜି ଆଇ ଇ ଟି ବିଶ୍ଵବିଦ୍ୟାଳୟର
ବୌଦ୍ଧିକ ସମ୍ପତି ଅଧିକାର ସେଲ ଆନୁକୂଲ୍ୟରେ ବିଶ୍ବ ବୌଦ୍ଧିକ ସମ୍ପତି ଦିବସ ପାଳିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ
ନୂଆଦିଲ୍ଲୀ ସ୍ଥିତ ସି- ଡଟ୍ ର ଵୈଜ୍ଞାନିକ ଡ ଗୁପ୍ତେଶ୍ଵର ମାଝୀ ଯୋଗ ଦେଇ ଉତ୍ପାଦନର ବ୍ୟବସାୟିକୀକରଣ ଏବଂ ବୌଦ୍ଧିକ ସମ୍ପତି ଅଧିକାର ର ଭୂମିକା ବିଷୟରେ ଆଲୋକପାତ କରିଥିଲେ। ସମ୍ମାନୀୟ ଅତିଥି ଭାବେ ଓଡିଶା ଜି. ଆଇ କନ୍ସଲଷ୍ଟାଣ୍ଟ ଡ.ଅନିତା ସାବତ ଯୋଗ ଦେଇ ବିଭିନ୍ନ ପ୍ରକାର ଆଞ୍ଚଳିକ କାରିଗର ମାନଙ୍କ କିପରି ଜି.ଆଇ କରିପାରିବେ ଏବଂ ସେମାନଙ୍କ ସୁରକ୍ଷା ବିଷୟରେ କହିଥିଲେ। ଅନ୍ୟତମ ଅତିଥି ଭାବେ ପୁନେ ସ୍ଥିତ ଜେନିଓବ୍ରେନ ଆଇ ପି ସଲୁସନ୍ ର ପ୍ରତିଷ୍ଠାତା ତଥା ମୁଖ୍ୟ ନିର୍ବାହୀ ଅଧିକାରୀ ଆଶା ହୋଲେ ଯୋଗ ଦେଇ ବୌଦ୍ଧିକ ସମ୍ପତି କୁ କିପରି ପଞ୍ଜୀକରଣ କରାଯାଇପାରିବ ଏବଂ ତାହାର ଆଵଶ୍ୟକତା ବିଷୟରେ ଆଲୋଚନା କରିଥିଲେ। ବିଶ୍ବବିଦ୍ୟାଳୟର ଉପ କୁଳପତି ପ୍ରଫେସର ଡ. ଏ ଭି ଏନ୍ ଏଲ ଶର୍ମା ଯୋଗ ଦେଇ ବିଶ୍ବ ବୌଦ୍ଧିକ ସମ୍ପତି ଏବଂ ଏହାର ଆବଶ୍ୟକତା ବିଷୟରେ କହିଥିଲେ। କମ୍ପ୍ୟୁଟର ସାଇନ୍ସ ବିଭାଗର ଡେପୁଟି ଡିନ୍ ଡ କେ ମୂରଲୀ ଗୋପାଳ ଯୋଗ ବୌଦ୍ଧିକ ସମ୍ପତିର ଅନୁଦାନ ବିଷୟରେ କହିଥିଲେ।ଏହି କାର୍ଯ୍ୟକ୍ରମରେ ରାୟଗଡ଼ା ଜିଲ୍ଲା ଚାଟିକଣା ସ୍ଥିତ ଡି କେ ଡି ଏ ର ସ୍ୱତନ୍ତ୍ର ଅଧିକାରୀ ଯୋଗବନ୍ଧୁ ମେହେର ଯୋଗ ଦେଇ ଡଙ୍ଗରିଆ କନ୍ଧ ମାନଙ୍କର କାରୁକାର୍ଯ୍ୟ ବିଷୟ ରେ ସୁଚନା ଦେଇଥିଲେ। ଜି ଆଇ ଇ ଟି ବିଶ୍ବବିଦ୍ୟାଳୟର ବୌଦ୍ଧିକ ସମ୍ପତ୍ତି ସୁବିଧା କେନ୍ଦ୍ର ସଦସ୍ୟ ଡ ରାଘବେନ୍ଦ୍ର କୁମାର ସ୍ବାଗତ ଭାଷଣ ପ୍ରଦାନ କରିଥିବାବେଳେ ଅନ୍ୟତମ ସଦସ୍ୟ ଡ ଦୀପ୍ତିକାନ୍ତ ଆଚାର୍ଯ୍ୟ କେନ୍ଦ୍ରର ପକ୍ଷରୁ କରାଯାଇଥିବା କାର୍ଯ୍ୟକଳାପ ବିଷୟରେ ବିସ୍ତୃତ ସୂଚନା ଦେଇଥିଲେ। ପରିଶେଷର ସଦସ୍ୟ ଡ ଶଶାଙ୍କ ଶେଖର ପଣ୍ଡା ଧନ୍ୟବାଦ ଅର୍ପଣ କରିଥିଲେ। ବୌଦ୍ଧିକ କେନ୍ଦ୍ରର ଅଧ୍ୟକ୍ଷ ତଥା ବିଶ୍ୱବିଦ୍ୟାଳୟର ରେଜିଷ୍ଟ୍ରାର ଡ ଏନ ଭି ଜେ ରାଓ ଙ୍କ ପ୍ରତ୍ୟକ୍ଷ ତତ୍ତ୍ୱବଧାନରେ ଆୟୋଜିତ ଏହି କାର୍ଯ୍ୟକ୍ରମକୁ ଅଧ୍ୟାପିକା ଫୁର୍ତ୍ତି ଫିଜା ମଞ୍ଚ ପରିଚାଳନା କରିଥିବା ବେଳେ ଅଧ୍ୟାପକ ଅମ୍ଲାନ ଆଶୁତୋଷ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ରାୟଗଡ଼ା ଜିଲ୍ଲା ଚାଟିକଣା ସ୍ଥିତ ଡଙ୍ଗରିଆ କନ୍ଧ ମାନେ ଯୋଗ ଦେଇ ସେମାନଙ୍କ ଦ୍ୱାରା ପ୍ରସ୍ତୁତ ହୋଇଥିବା ସଲ ପ୍ରଦର୍ଶନ କରିଥିବା ବେଳେ ପୁଟାଶିଂ ଅଞ୍ଚଳର ଲାଞ୍ଜିଆ ସଉରା ମାନଙ୍କ ଦ୍ୱାର ପ୍ରସ୍ତୁତ ହୋଇଥିବା ଚିତ୍ରକଳା ଇଡିତଲର ପ୍ରଦର୍ଶନୀ ହୋଇଥିଲା। ଏହା ସହ ଗୁଣୁପୁର ଅଞ୍ଚଳର ବିଭିନ୍ନ ଉଦ୍ୟୋଗୀ, ବିଶ୍ୱ ବିଦ୍ୟାଳୟର ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ ।
ଚର୍ଚ୍ଚା news
