ପ୍ରାରମ୍ଭିକ ଗଣନାରୁ ପଶ୍ଚିମବଙ୍ଗର ରାଜନୈତିକ ପାଣିପାଗରେ ପରିବର୍ତ୍ତନର ସଙ୍କେତ ମିଳିଛି। ବିଜେପି ନେତା ଏବଂ କର୍ମୀମାନେ ଦଶନ୍ଧି ଧରି ଏହି ଦିନକୁ ଅପେକ୍ଷା କରିଆସିଥିଲେ । ବିଜେପିର ପଶ୍ଚିମବଙ୍ଗରେ ବିଜୟ କେବଳ ଏକ ସାଧାରଣ ବିଜୟ ନୁହେଁ, ଏହା ପିତୃଋଣ ସୁଝାଇବାର ସମୟ ମଧ୍ୟ । ଭାରତୀୟ ଜନସଂଘର ପ୍ରତିଷ୍ଠାତା ଡ. ଶ୍ୟାମାପ୍ରସାଦ ମୁଖାର୍ଜୀଙ୍କ ଜନ୍ମଭୂମିରେ ପ୍ରଥମ ଥର ବିଜେପି ସଂଖ୍ୟା ଗରିଷ୍ଠତା ହାସଲ କରିଛି ।
ପଶ୍ଚିମବଙ୍ଗର ରାଜନୈତିକ ମାନଚିତ୍ରରେ ଆସିଛି ଏକ ବଡ଼ ପରିବର୍ତ୍ତନର ସଙ୍କେତ। ପ୍ରାରମ୍ଭିକ ଗଣନା ଅନୁସାରେ ବିଜେପି ଏଠାରେ ଐତିହାସିକ ସଫଳତା ହାସଲ କରିଛି। ଏହାକୁ କେବଳ ଏକ ନିର୍ବାଚନୀ ବିଜୟ ଭାବେ ନୁହେଁ, ବରଂ ବିଚାରଧାରାର ବିଜୟ ଭାବେ ମଧ୍ୟ ଦେଖାଯାଉଛି। ଭାରତୀୟ ଜନସଂଘର ପ୍ରତିଷ୍ଠାତା ଡ଼. ଶ୍ୟାମା ପ୍ରସାଦ ମୁଖାର୍ଜୀଙ୍କ ଜନ୍ମଭୂମି ପଶ୍ଚିମବଙ୍ଗରେ ପ୍ରଥମ ଥର ପାଇଁ ବିଜେପି ସଂଖ୍ୟାଗରିଷ୍ଠତା ହାସଲ କରିଛି ବୋଲି ରାଜନୈତିକ ମହଳରେ ଆଲୋଚନା ହେଉଛି। ଏହାକୁ ବିଜେପି ପକ୍ଷରୁ “ପିତୃଋଣ ସୁଝାଇବାର ମୁହୂର୍ତ୍ତ” ଭାବେ ଦେଖାଯାଉଛି। ହୁଗଲି ନଦୀରୁ ଦାର୍ଜିଲିଂ ପର୍ଯ୍ୟନ୍ତ ‘ଜୟ ଶ୍ରୀ ରାମ’ ଧ୍ୱନିର ପ୍ରତିଧ୍ୱନି ସହିତ ରାଜ୍ୟର ରାଜନୈତିକ ପରିବେଶରେ ନୂଆ ଉତ୍ସାହ ଦେଖାଯାଇଛି। ପ୍ରାୟ ୭୫ ବର୍ଷ ପରେ ଏହି ଅଞ୍ଚଳରେ ବିଜେପିର ଶକ୍ତିଶାଳୀ ଉଭ୍ରାଣ ରାଜନୈତିକ ଇତିହାସରେ ଗୁରୁତ୍ୱପୂର୍ଣ୍ଣ ଘଟଣା ଭାବେ ଗଣାଯାଉଛି। ଡ଼. ଶ୍ୟାମା ପ୍ରସାଦ ମୁଖାର୍ଜୀ ୧୯୦୧ ମସିହାରେ କୋଲକାତାରେ ଜନ୍ମ ନେଇଥିଲେ। ଭାରତୀୟ ରାଜନୀତିରେ ତାଙ୍କର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପରେ ସେ ଭାରତୀୟ ଜନସଂଘର ପ୍ରତିଷ୍ଠା କରିଥିଲେ, ଯାହା ପରେ ବିଜେପିର ଆଦର୍ଶ ଆଧାର ହୋଇଥିଲା। ରାଜନୈତିକ ବିଶ୍ଳେଷକମାନେ କହୁଛନ୍ତି ଯେ, ଏହି ବିଜୟ କେବଳ ଶକ୍ତି ପରିବର୍ତ୍ତନ ନୁହେଁ, ବରଂ ଏକ ଦୀର୍ଘ ରାଜନୈତିକ ଯାତ୍ରାର ପୂର୍ଣ୍ଣତା ମଧ୍ୟ ଅଟେ ।
ଚର୍ଚ୍ଚା NEWS
