ସକାଳୁ ସକାଳୁ ଝଡ଼, ପବନ ସହ ବର୍ଷାରେ ଭିଜିଲା ଓଡ଼ିଶା
ରାଜ୍ୟରେ ଜାରି ରହିଛି କାଳବୈଶାଖୀ ପ୍ରଭାବ । ସକାଳୁ ସକାଳୁ ବିଭିନ୍ନ ସ୍ଥାନରେ ଝଡ଼ି, ପବନ ସହ ବର୍ଷା । ଆସନ୍ତା ୧୦ ତାରିଖ ପର୍ଯ୍ୟନ୍ତ ଜାରି ରହିବ ପ୍ରଭାବ ।ସକାଳ ସାଢ଼େ ୮ଟା ପର୍ଯ୍ୟନ୍ତ ୧୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
BY-SUBHASMITA-DT-5,4,2026
ରାଜ୍ୟରେ ପୁଣି କାଳବୈଶାଖୀର ପ୍ରଭାବ ଜୋରଦାର ହୋଇଛି। ସକାଳୁ ସକାଳୁ କଟକ, ଭୁବନେଶ୍ୱର, ପୁରୀ ସମେତ ଅନେକ ସ୍ଥାନରେ ଝଡ଼ି, ପବନ ଓ ବର୍ଷା ଲୋକଙ୍କୁ ଅଚମ୍ବିତ କରିଦେଇଛି। ଆକାଶରେ କଳା ମେଘ ଛାଇଯାଇଥିବାବେଳେ ବଜ୍ରପାତ ସହ ବର୍ଷା ଜାରି ରହିଛି। ଆଞ୍ଚଳିକ ପାଣିପାଗ କେନ୍ଦ୍ର ସକାଳ ସାଢେ ୮ଟା ପର୍ଯ୍ୟନ୍ତ ୧୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି। ଆସନ୍ତା ୧୦ ତାରିଖ ପର୍ଯ୍ୟନ୍ତ ଏହି କାଳବୈଶାଖୀ ପ୍ରଭାବ ଜାରି ରହିବ ବୋଲି ସତର୍କ କରାଯାଇଛି।
ପୁରୀର ଅସ୍ତରଙ୍ଗ ଅଞ୍ଚଳରେ ହଠାତ୍ କାଳବୈଶାଖୀ ମାଡ଼ି ଆସିଥିବାବେଳେ ପ୍ରବଳ ପବନ ଓ ବର୍ଷାରେ ଜନଜୀବନ ପ୍ରଭାବିତ ହୋଇଛି। ଦୁଇ ଦିନର ଅସହ୍ୟ ଗରମ ପରେ ବର୍ଷା ଲୋକଙ୍କୁ କିଛି ଆଶ୍ୱସ୍ତି ଦେଇଥିଲେ ମଧ୍ୟ ଚାଷୀଙ୍କ ଚିନ୍ତା ବଢ଼ାଇଛି। ବିରି, ମୁଗ ଓ ମାଣ୍ଡିଆ ଚାଷରେ କ୍ଷତି ହେବା ଆଶଙ୍କା ରହିଛି। ଛତିଶଗଡ଼ରୁ ମଣିପୁର ପର୍ଯ୍ୟନ୍ତ ଥିବା ଟ୍ରଫ୍ଲାଇନ ଓ ଘୂର୍ଣ୍ଣିବଳୟ ପ୍ରଭାବରେ ରାଜ୍ୟରେ କାଳବୈଶାଖୀ ସକ୍ରିୟ ରହିଛି। ପାଣିପାଗ ବିଭାଗ ପକ୍ଷରୁ ଲୋକଙ୍କୁ ସତର୍କ ରହିବାକୁ ପରାମର୍ଶ |
ଚର୍ଚ୍ଚା news
