BY-SUBHASMITA-DT-27.4.2026
ଟୋକିଓ: ଜାପାନରେ ପୁଣି ଭୂମିକମ୍ପର ଝଟକା ଅନୁଭୂତ ହୋଇଛି। ସୋମବାର ପ୍ରତ୍ୟୁଷରେ ଉତ୍ତର ଜାପାନର ହକ୍କାଇଡ ଅଞ୍ଚଳରେ ୬.୧ ତୀବ୍ରତାର ଭୂମିକମ୍ପ ଘଟିଥିବା ଜଣାପଡ଼ିଛି। ହଠାତ୍ ଭୂମି କମ୍ପନ ଯୋଗୁଁ ଘରେ ଶୁଇଥିବା ଲୋକମାନେ ଭୟଭୀତ ହୋଇ ବାହାରକୁ ଦୌଡ଼ି ଆସିଥିଲେ।
ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଭୂମିକମ୍ପର ତୀବ୍ରତା ୬.୧ ଥିଲା। ଏହାର କେନ୍ଦ୍ରସ୍ଥଳ ହକ୍କାଇଡ ର Sarabetsu ସହରରୁ ପ୍ରାୟ ୧୮ କି.ମି. ପଶ୍ଚିମରେ ଏବଂ ଭୂଗର୍ଭର ପ୍ରାୟ ୮୧ କି.ମି. ଗଭୀରତାରେ ଥିଲା।
ଗଭୀରତା ଅଧିକ ଥିବାରୁ ପୃଷ୍ଠଭାଗରେ କ୍ଷତି ସୀମିତ ରହିଛି ଭୂମିକମ୍ପର ଝଟକା ଅନୁଭବ ହେବା ସହିତ ଲୋକମାନେ ଭୟରେ ଘର ଛାଡ଼ି ବାହାରକୁ ଆସିଥିଲେ। କିଛି ସମୟ ପାଇଁ ଆତଙ୍କର ପରିସ୍ଥିତି ହୋଇଥିଲା। କୌଣସି ଧନଜୀବନ ହାନୀର ସୂଚନା ମିଳିନାହିଁ ସୁନାମି ସତର୍କତା ଜାରି କରାଯାଇନାହିଁ |ପରିସ୍ଥିତି ଏବେ ନିୟନ୍ତ୍ରଣରେ ଅଛି ଗତ କିଛି ଦିନ ଧରି ଜାପାନରେ ଭୂମିକମ୍ପ ଘଟଣା ବଢ଼ୁଛି। ଏପ୍ରିଲ ୨୦ ତାରିଖରେ ମଧ୍ୟ ୭.୪ ତୀବ୍ରତାର ଭୂମିକମ୍ପ ହୋଇଥିଲା, ଯାହା ପରେ ସୁନାମି ସତର୍କତା ଜାରି ହୋଇଥିଲା। ଜାପାନ ଭୂମିକମ୍ପ-ପ୍ରବଣ ଦେଶ ହେବାରୁ ପୁଣି ଏହି ଘଟଣା ଲୋକମାନଙ୍କ ମଧ୍ୟରେ ଭୟ ସୃଷ୍ଟି କରିଛି। ତଥାପି, ଏଥର କୌଣସି ବଡ଼ କ୍ଷତି ନ ହେବା ଆଶ୍ୱସ୍ତିର କଥା ହେଉଛି |
ଚର୍ଚ୍ଚା news
