ସାମ୍ବାଦିକ ପ୍ରଶାନ୍ତ ରାଉଳ
କୋଲକାତା : ମଙ୍ଗଳବାର, ବିଜେପି ଶାସିତ ରାଜ୍ୟ ତ୍ରିପୁରାରେ ତୃଣମୂଳ କଂଗ୍ରେସ ଦଳର ପାର୍ଟି କାର୍ଯ୍ୟାଳୟରେ ଭଙ୍ଗାରୁଜା କରିଥିଲେ ବିଜେପି ଦଳ କର୍ମୀ ମାନେ ଗତ କାଲି ବୁଧବାର, ଏକ ଛଅ ଜଣିଆ ତୃଣମୂଳ କଂଗ୍ରେସ ଦଳର ପ୍ରତିନିଧି ଦଳ ତ୍ରିପୁରା ଯାଇଥିଲେ। କିନ୍ତୁ ତୃଣମୂଳ କଂଗ୍ରେସ ଦଳର ପ୍ରତିନିଧି ଦଳକୁ ଅଗରତାଲା ବିମାନବନ୍ଦରରେ ହିଁ ଅଟକାଯାଇଥିଲା! ଅଭିଯୋଗ ହୋଇଛି ଯେ ସେମାନଙ୍କୁ ପ୍ରିପେଡ୍ ଟ୍ୟାକ୍ସି ନେବାକୁ ମଧ୍ୟ ଅନୁମତି ଦିଆଯାଇ ନଥିଲା। ପଶ୍ଚିମ ବଙ୍ଗ ରାଜ୍ୟ ବଙ୍ଗ ମୁଖ୍ୟମନ୍ତ୍ରୀ ବାନାର୍ଜୀ ଏହା ଉପରେ କ୍ଷୋଭ ପ୍ରକାଶ କରିଛନ୍ତି। ମମତା ବାନାର୍ଜୀ କହିଛନ୍ତି ସେଭଳି ହେଲେ ମୁଁ ଯିବି, ଦେଖିବି କାହାର କେତେ ଦମ୍।” ଉତ୍ତରବଙ୍ଗ ଗସ୍ତ ପରେ, ମୁଖ୍ୟମନ୍ତ୍ରୀ ଦମ୍ଦମ୍ ବିମାନବନ୍ଦରରେ ଅବତରଣ କରି ନିଜର କ୍ଷୋଭ ପ୍ରକାଶ କରିଛନ୍ତି।
ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ମଧ୍ୟ ଟାର୍ଗେଟ କରିଛନ୍ତି। ଦମ୍ଦମ୍ ବିମାନବନ୍ଦରରେ ଅବତରଣ କରି ମୁଖ୍ୟମନ୍ତ୍ରୀ ତ୍ରିପୁରାର ଅଗରତାଲାରେ ତୃଣମୂଳ କଂଗ୍ରେସ ଦଳର ପାର୍ଟି କାର୍ଯ୍ୟାଳୟରେ ଭଙ୍ଗାରୁଜା ଏବଂ ତୃଣମୂଳ କଂଗ୍ରେସ ଦଳର ପ୍ରତିନିଧି ଦଳକୁ ଗିରଫ କରାଯିବା ଘଟଣା ଉପରେ ନିଜର କ୍ରୋଧ ପ୍ରକାଶ କରିଛନ୍ତି। ମମତା ବାନାର୍ଜୀ ବିଜେପିକୁ ବ୍ୟବହାରିକ ଭାବରେ ଏକ ଚ୍ୟାଲେଞ୍ଜ ଦେଇଛନ୍ତି। ସେ କହିଛନ୍ତି, “ତ୍ରିପୁରାରେ ଆମ ଟିମ୍କୁ ଏକ ପ୍ରିପେଡ୍ ଟ୍ୟାକ୍ସି ମଧ୍ୟ ଦିଆଯାଇ ନଥିଲା। ମୁଁ ବାଧ୍ୟହୋଇ ସେମାନଙ୍କୁ ଚାଲିବାକୁ ନିର୍ଦ୍ଦେଶ ଦେଇଥିଲି। ବିଜେପି ପ୍ରତି ନିଜର କ୍ରୋଧ ପ୍ରକାଶ କରି ମମତା କହିଛନ୍ତି, “ପ୍ରଥମେ ନିଜ ଘର ଦେଖନ୍ତୁ। ତା’ପରେ ସେ ସ୍ୱର ଉଠାଇ କହିଛନ୍ତି, “ସେଭଳି ହେଲେ ମୁଁ ଯିବି। ଦେଖିବି କାହାର କେତେ ଦମ୍। ମଙ୍ଗଳବାର ତ୍ରିପୁରାର ଅଗରତାଲାରେ ଥିବା ତୃଣମୂଳ କଂଗ୍ରେସ ଦଳର କାର୍ଯ୍ୟାଳୟରେ ଭଙ୍ଗାରୁଜାକୁ ନେଇ କୁ ନେଇ ପଶ୍ଚିମ ବଙ୍ଗ ରେ tmc ଦଳ ସ୍ବର ଉଠାଇଛି।
ଅଭିଯୋଗ ଯେ ବିଜେପି ଲୋକ ଏହି କାମ କରିଛନ୍ତି। କେବଳ ସେତିକି ନୁହେଁ, ପୁଲିସ ଏହି ଘଟଣାକୁ ଅଟକାଇ ନଥିଲା ଏବଂ ଠିଆ ହୋଇଥିବାର ମଧ୍ୟ ଅଭିଯୋଗ ହୋଇଛି। ସେହି ଘଟଣା ପରେ ତୃଣମୂଳ କଂଗ୍ରେସ ଦଳର ଗତକାଲି ରାତିରେ ତ୍ରିପୁରାକୁ ଏକ ପ୍ରତିନିଧିମଣ୍ଡଳ ପଠାଇବାକୁ ନିଷ୍ପତ୍ତି ନେଇଥିଲା। ବୁଧବାର ସକାଳେ ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ତୃଣମୂଳର ଏକ ୬ ଜଣିଆ ପ୍ରତିନିଧିମଣ୍ଡଳ ତ୍ରିପୁରାରେ ପହଞ୍ଚିଥିଲା। ତୃଣମୂଳର ଅନ୍ୟତମ ରାଜ୍ୟ ସାଧାରଣ ସମ୍ପାଦକ କୁନାଲ ଘୋଷ, ସାଂସଦ ପ୍ରତିମା ମଣ୍ଡଳ, ସୁସ୍ମିତା ଦେବ, ବୀରବାହା ହାଂସଦା, ସୁଦୀପ ରାହା, ସାୟନୀ ଘୋଷ ଥିଲେ। ଆଇନ ଶୃଙ୍ଖଳା ବିପର୍ଯ୍ୟସ୍ତ ହେବାର ଆଢୁଆଳରେ ସେମାନଙ୍କୁ ବିମାନବନ୍ଦରରେ ବାଧା ଦିଆଯାଇଥିଲା।
ଅଭିଯୋଗ ଅନୁଯାୟୀ, ତ୍ରିପୁରା ବିମାନବନ୍ଦରରୁ ଅଫିସକୁ ଯିବା ପାଇଁ ସେମାନଙ୍କ ପାଇଁ ଚାରୋଟି ଗାଡି ରହିବାର କଥା ଥିଲା। କିନ୍ତୁ ଯେତେବେଳେ ସେମାନେ ପହଞ୍ଚିଲେ, ସେମାନେ ଜାଣିବାକୁ ପାଇଲେ ଯେ କେବଳ ଗୋଟିଏ ଗାଡି ଅଛି। ଅନ୍ୟପଟେ, ପୁଲିସ ସମସ୍ତଙ୍କୁ ଏକା ସାଙ୍ଗରେ ଯିବାକୁ ନିର୍ଦ୍ଦେଶ ଦେଇଥିଲା। ସ୍ୱାଭାବିକ ଭାବରେ, ତାହା ଅସମ୍ଭବ ଥିଲା। କୁନାଲ ଘୋଷ ଆଗକୁ ଯାଇ ପୁଲିସ ସହ କଥା ହୋଇଥିଲେ। କିନ୍ତୁ ଏଥିରେ ସମସ୍ୟାର ସମାଧାନ ହୋଇନଥିଲା। ତା’ପରେ ସେ ବିମାନବନ୍ଦର ବାହାରେ ଏକ ପ୍ରିପେଡ୍ ଟ୍ୟାକ୍ସି ନେବାକୁ ଯୋଜନା କରିଥିଲେ। ଅଭିଯୋଗ ଅନୁଯାୟୀ, ଜଣେ ତୃଣମୂଳ ନେତା ହୋଇଥିବାରୁ ତାଙ୍କୁ ପ୍ରିପେଡ୍ ଟ୍ୟାକ୍ସି ବୁକ୍ କରିବାକୁ ଅନୁମତି ଦିଆଗଲା ନାହିଁ।
ଏପରିକି ଏକ ଅଟୋ ମଧ୍ୟ ମିଳିଲା ନାହିଁ! ଦୀର୍ଘ ସମୟ ଧରି ପୁଲିସ ସହ କଥା ହେବା ସତ୍ତ୍ୱେ ସମାଧାନ ନ ପାଇବାରୁ, ତୃଣମୂଳ ପ୍ରତିନିଧି ଦଳର ସଦସ୍ୟମାନେ ଅଗରତାଲା ବିମାନବନ୍ଦର ବାହାରେ ଧାରଣାରେ ବସିଥିଲେ। ପ୍ରତିନିଧିମାନେ ଅଗରତାଲାରେ ଥିବା କାର୍ଯ୍ୟାଳୟ ଯାଞ୍ଚ କରିବାକୁ ଚାଲି ଚାଲି ଯିବେ। ଏହା ମଧ୍ୟ କୁହାଯାଇଥିଲା। ତେବେ, ସେହି କ୍ଷେତ୍ରରେ, ତ୍ରିପୁରା ପୁଲିସ ପକ୍ଷରୁ ପ୍ରତ୍ୟେକ ପଦକ୍ଷେପରେ ବାଧା ସୃଷ୍ଟି ହୋଇଥିଲା ବୋଲି ଅଭିଯୋଗ
