ହେଜବୁଲ୍ଲା ୱାସିଂଟନରେ ଲେବାନନ ଏବଂ ଇସ୍ରାଏଲୀ ରାଷ୍ଟ୍ରଦୂତଙ୍କ ମଧ୍ୟରେ ଆଲୋଚନାକୁ ହେଜବୁଲ୍ଲାକୁ ନିରସ୍ତ୍ର କରିବା ପାଇଁ କରାଯାଉଛି ବୋଲି କହି ଏହା ଏକ ବଡ଼ ପାପ ବୋଲି କହିଛି। ହେଜବୁଲ୍ଲା ସ୍ପଷ୍ଟ କରିଛି ଯେ, ଇସ୍ରାଏଲୀ ଧମକ କିମ୍ବା ଆକ୍ରମଣ ନିକଟରେ ଆତ୍ମସମର୍ପଣ କରିବ ନାହିଁ କି ହାର୍ ମାନିବ ନାହିଁ। ନିଜର ପ୍ରତିରକ୍ଷା ପ୍ରତିରୋଧ ଜାରି ରଖିବ।
BY-SUBHASMITA-DT-27.4.2026
ଲେବାନନର ଶକ୍ତିଶାଳୀ ସଂଗଠନ Hezbollah ଇସ୍ରାଏଲୀ ଧମକ ଆଗରେ ମୁଣ୍ଡ ନୁଆଁଇବାକୁ ସଫା ସଫା ମନା କରିଦେଇଛି। ସଂଗଠନଟି କହିଛି ଯେ, କୌଣସି ପରିସ୍ଥିତିରେ ମଧ୍ୟ ଆତ୍ମସମର୍ପଣ କିମ୍ବା ହାର୍ ମାନିବା ପ୍ରଶ୍ନ ଉଠେନି, ଏବଂ ନିଜ ପ୍ରତିରକ୍ଷା ଲଢ଼ାଇ ଜାରି ରହିବ। ହେଜବୁଲ୍ଲା ନେତା Naim Qassem ୱାସିଂଟନରେ Lebanon ଓ Israel ରାଷ୍ଟ୍ରଦୂତଙ୍କ ମଧ୍ୟରେ ହେଉଥିବା ଆଲୋଚନାକୁ କଠୋର ଭାବେ ବିରୋଧ କରିଛନ୍ତି। ତାଙ୍କ କଥାରେ, ଏହି ଆଲୋଚନାର ଲକ୍ଷ୍ୟ ହେଜବୁଲ୍ଲାକୁ ନିରସ୍ତ୍ର କରିବା, ଯାହାକୁ ସେ “ବଡ଼ ପାପ” ବୋଲି ବର୍ଣ୍ଣନା କରିଛନ୍ତି। ସେହିସହିତ, ଲେବାନନ ସରକାର ଇସ୍ରାଏଲ ସହିତ ସିଧାସଳଖ କଥାବାର୍ତ୍ତା କରିବା ପ୍ରୟାସକୁ ମଧ୍ୟ ହେଜବୁଲ୍ଲା ଖାରଜ କରିଛି। ସଂଗଠନ କହିଛି ଯେ, ଏପରି ପଦକ୍ଷେପ ଦେଶର ହିତକୁ କ୍ଷତି କରିପାରେ ଏବଂ ତୁରନ୍ତ ବାତିଲ କରାଯିବା ଉଚିତ। ଅନ୍ୟପଟେ, ହେଜବୁଲ୍ଲା ଅଭିଯୋଗ କରିଛି ଯେ Israel Defense Forces ପକ୍ଷରୁ ବାରମ୍ବାର ଅସ୍ତ୍ରବିରତି ଉଲ୍ଲଂଘନ ହେଉଛି ଏବଂ ଦକ୍ଷିଣ ଲେବାନନରେ ଆକ୍ରମଣ ବଢ଼ିଛି। ଏହାର ଉତ୍ତରରେ ଯେକୌଣସି ଆକ୍ରମଣକୁ କଡା ଭାବରେ ପ୍ରତିଉତ୍ତର ଦିଆଯିବ ବୋଲି ସତର୍କ କରାଯାଇଛି। ବର୍ତ୍ତମାନ ଦକ୍ଷିଣ ଲେବାନନରେ ପରିସ୍ଥିତି ତିବ୍ର ହେଉଥିବା ବେଳେ, ହେଜବୁଲ୍ଲା ସ୍ପଷ୍ଟ କରିଛି ଯେ ଇସ୍ରାଏଲ ସହିତ କୌଣସି କୂଟନୈତିକ ସମ୍ପର୍କକୁ ସେମାନେ ମାନିବେ ନାହିଁ ଏବଂ ଆବଶ୍ୟକ ହେଲେ ସାମରିକ ସଂଘର୍ଷ ପାଇଁ ପ୍ରସ୍ତୁତ ଅଛନ୍ତି ।
ଚର୍ଚ୍ଚା NEWS
