BY-SUBHASMITA-DT-22.4.2026
ରାଜ୍ୟରେ ଚାଲିଥିବା ଜନଗଣନା କାର୍ଯ୍ୟ ସମୟରେ କର୍ମଚାରୀଙ୍କୁ ଲକ୍ଷ୍ୟ କରି ହେଉଥିବା ଆକ୍ରମଣ ଓ ଦୁର୍ଘଟଣା ଘଟଣାଗୁଡ଼ିକ ସରକାରଙ୍କ ଚିନ୍ତା ବଢ଼ାଇଦେଇଛି। ବିଶେଷ କରି ଢେଙ୍କାନାଳ ଜିଲ୍ଲାର କାମାକ୍ଷାନଗରରେ ଘଟିଥିବା ମରଣାତ୍ମକ ଆକ୍ରମଣ ଘଟଣା ପରେ ପ୍ରଶାସନ ଅଧିକ ସତର୍କ ହୋଇଉଠିଛି।
କାମାକ୍ଷାନଗର ଏନଏସିର ୩ନମ୍ବର ୱାର୍ଡ, ମହିମାନଗର ସାହିରେ ଜନଗଣନା କାର୍ଯ୍ୟ କରୁଥିବା ବେଳେ ୪ଜଣ କର୍ମଚାରୀଙ୍କୁ କିଛି ଦୁର୍ବୃତ୍ତ ଆକ୍ରମଣ କରିଥିଲେ। ଆହତମାନଙ୍କ ମଧ୍ୟରେ ୨ଜଣ ମହିଳା କର୍ମଚାରୀ ଥିବା ଖବର ମିଳିଛି। କର୍ମଚାରୀମାନଙ୍କୁ ମାଡ଼ ମାରିବା ସହ ତାଙ୍କ ଗାଡ଼ିକୁ ମଧ୍ୟ ଭାଙ୍ଗିଦିଆଯାଇଥିଲା। ଏହା ସହିତ ଗାଳିଗୁଲଜ କରି ଜନଗଣନା କାର୍ଯ୍ୟକୁ ବାଧା ପହଞ୍ଚାଯାଇଥିଲା। ଘଟଣା ପରେ ପୁଲିସ ତୁରନ୍ତ ଘଟଣାସ୍ଥଳକୁ ପହଞ୍ଚି ଆକ୍ରମଣକାରୀଙ୍କୁ ଅଟକ ରଖିଛି ଏବଂ ତଦନ୍ତ ଆରମ୍ଭ କରିଛି।ଏହି ଘଟଣା ପରେ ରାଜ୍ୟ ସରକାର ଜନଗଣନା କର୍ମଚାରୀଙ୍କ ସୁରକ୍ଷାକୁ ନେଇ କଡ଼ା ଭାବରେ ପଦକ୍ଷେପ ନେଇଛନ୍ତି। ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ସମସ୍ତ ଜିଲ୍ଲାପାଳ ଓ ମ୍ୟୁନିସିପାଲ କମିଶନରଙ୍କୁ ଜରୁରୀ ନିର୍ଦ୍ଦେଶନାମା ଜାରି କରାଯାଇଛି। ଅତିରିକ୍ତ ମୁଖ୍ୟ ଶାସନ ସଚିବ ଅରବିନ୍ଦ ପାଢ଼ୀ କର୍ମଚାରୀଙ୍କ ସୁରକ୍ଷା ପାଇଁ ସ୍ଥାନୀୟ ପ୍ରଶାସନକୁ ବିଶେଷ ବ୍ୟବସ୍ଥା ନେବାକୁ ନିର୍ଦ୍ଦେଶ ଦେଇଛନ୍ତି। ନିର୍ଦ୍ଦେଶାବଳୀ ଅନୁସାରେକାର୍ଯ୍ୟ ସମୟରେ ଥିବା ବିପଦକୁ ଚିହ୍ନଟ କରି ପୂର୍ବପ୍ରସ୍ତୁତି ନିଆଯିବ
ଗ୍ରୀଷ୍ମ ପ୍ରବାହ (ତାତି) ଯୋଗୁଁ ହେଉଥିବା ସମସ୍ୟାରୁ କର୍ମଚାରୀଙ୍କୁ ସୁରକ୍ଷା ଦିଆଯିବ ଜନଗଣନା କର୍ମଚାରୀଙ୍କ ଚଳଚଳନକୁ ନିୟମିତ ଭାବେ ଟ୍ରାକ୍ କରାଯିବ ସୁରକ୍ଷା ସଚେତନତା ନେଇ କର୍ମଚାରୀଙ୍କୁ ପ୍ରଶିକ୍ଷଣ ଦିଆଯିବ ଗତ ୧୬ ଏପ୍ରିଲରୁ ଆରମ୍ଭ ହୋଇଥିବା ଏହି ପ୍ରଥମ ପର୍ଯ୍ୟାୟ ଜନଗଣନା (ହାଉସଲିଷ୍ଟିଂ ଓ ହାଉସିଂ ସେନ୍ସସ୍) କାର୍ଯ୍ୟ ଆସନ୍ତା ମେ ୧୫ ପର୍ଯ୍ୟନ୍ତ ଚାଲିବ। ଏହି ସମୟ ମଧ୍ୟରେ ସୋନପୁର, ମୟୂରଭଞ୍ଜ, ବାଲେଶ୍ୱର ଓ ରାଉରକେଲାରୁ ମଧ୍ୟ ବିଭିନ୍ନ ଅପ୍ରୀତିକର ଘଟଣା ସାମ୍ନାକୁ ଆସିଛି ଯଥା ହୃଦଘାତରେ ମୃତ୍ୟୁ, ନିଖୋଜ ଘଟଣା ଓ ଦୁର୍ଘଟଣା। ଏହି ପରିସ୍ଥିତିକୁ ଗୁରୁତ୍ୱ ଦେଇ ସରକାର ସପଷ୍ଟ କରିଛନ୍ତି ଯେ, ଜନଗଣନା କାର୍ଯ୍ୟକୁ ସୁରକ୍ଷିତ ଓ ସୁଚାରୁ ଭାବେ ସମ୍ପନ୍ନ କରିବା ପାଇଁ କୌଣସି ଅବହେଳା ସହି ଯିବ
ଚର୍ଚ୍ଚା news
