ଜାତୀୟ ସଡ଼କ ସୁରକ୍ଷା ମାସ–୨୦୨୬ ଅବସରରେ ଉମରକୋଟରେ ସଚେତନତା କାର୍ଯ୍ୟକ୍ରମ

ଉମରକୋଟ/ ଶ୍ରୀକାନ୍ତ ନନ୍ଦ: ସଡ଼କ ଦୁର୍ଘଟଣା ରୋକିବା ସହ ଜନସାଧାରଣଙ୍କ ମଧ୍ୟରେ ସଡ଼କ ସୁରକ୍ଷା ସଚେତନତା ସୃଷ୍ଟି ଉଦ୍ଦେଶ୍ୟରେ ଆଜି ଉମରକୋଟ ଠାରେ ଜାତୀୟ ସଡ଼କ ସୁରକ୍ଷା ମାସ–୨୦୨୬ ପାଳନ କରାଯାଇଛି।
ଉମରକୋଟ ଭାରପ୍ରାପ୍ତ ଥାନା ଅଧିକାରୀ ଶ୍ରୀ ରମାକାନ୍ତ ସାଇଙ୍କ ତତ୍ତ୍ୱାବଧାନରେ ଜିଲ୍ଲା ପ୍ରଶାସନ, ଜିଲ୍ଲା ସଡ଼କ ସୁରକ୍ଷା ସମିତି ଏବଂ ଗୁରୁକୃପା ଉଚ୍ଚ ମାଧ୍ୟମିକ ବିଦ୍ୟାଳୟର ମିଳିତ ଆନୁକୂଲ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଏହି ଅବସରରେ “ସଚେତନତାରୁ ସୁରକ୍ଷା” ଓ “ପ୍ରଯୁକ୍ତିରୁ ପରିବର୍ତ୍ତନ” ବାର୍ତ୍ତାକୁ ଆଗେଇ ନେଇ ଜନସାଧାରଣଙ୍କୁ ଯାନଚାଳନା ସମୟରେ ହେଲମେଟ ଓ ସିଟ୍‌ବେଲ୍ଟ ବ୍ୟବହାର, ମଦ୍ୟପାନ କରି ଗାଡି ଚାଳନା ନ କରିବା, ଗତିସୀମା ମାନିବା ଓ ଟ୍ରାଫିକ ନିୟମ ଅନୁସରଣ କରିବା ପାଇଁ ଆହ୍ୱାନ ଦିଆଯାଇଥିଲା।
ଏହି ସନ୍ଦେଶ ପ୍ରସାର ପାଇଁ ଏକ ସଚେତନତା ଶୋଭାଯାତ୍ରା ମଧ୍ୟ ଆୟୋଜିତ ହୋଇଥିଲା।
ସଚେତନତା ପଦଯାତ୍ରାରେ ଆର.ଟି.ଓ. ଶ୍ରୀ ଜିତେନ୍ଦ୍ର କୁମାର ଭୋଇ, ଉପ ବିଭାଗୀୟ ଥାନା ଅଧିକାରୀ ଶ୍ରୀ ସଞ୍ଜୟ ମଣ୍ଡଳ, ଟ୍ରାଫିକ୍ ସବ୍-ଇନ୍ସପେକ୍ଟର ଶ୍ରୀ ଅବିନାଶ ବଳ, ଗୁରୁକୃପା ଶିକ୍ଷାନୁଷ୍ଠାନର ପରିଚାଳନା ନିର୍ଦେଶକ ଶ୍ରୀ ସଚିନ ଦାସ, ଜନସମ୍ପର୍କ ଅଧିକାରୀ ଇଂ. ଚନ୍ଦନା ମଲ୍ଲିକ, ଅଧ୍ୟକ୍ଷ ଶ୍ରୀ ସୁଧାଂଶୁ ଶେଖର ଟହଲ, ସହ ସମସ୍ତ ଅଧ୍ୟାପକ-ଅଧ୍ୟାପିକା, ପରିବହନ ବିଭାଗ, ଡ୍ରାଇଭର ଓ ସାଧାରଣ ଜନସାଧାରଣ ସାମିଲ ହୋଇଥିଲେ।
ନବରଙ୍ଗପୁର ଜିଲ୍ଲା, ଉମରକୋଟରୁ
ଶ୍ରୀକାନ୍ତ ନନ୍ଦଙ୍କ ରିପୋର୍ଟ