ଦମଦମ ବିମାନବନ୍ଦରରୁ ଫେରିବା ପଥରେ ଦୁର୍ଘଟଣାର କବଳରେ ପଡିଲା ଗୋଟିଏ ଚାରିଚକିଆ ଗାଡି, ଅଳ୍ପକେ ରକ୍ଷା ପାଇଲେ ଚାରି ଜଣ

ସାମ୍ବାଦିକ ପ୍ରଶାନ୍ତ ରାଉଳ
କୋଲକାତା : ପରିବାରର ସଦସ୍ୟକୁ ଦମଦମ ବିମାନବନ୍ଦରରେ ଛାଡ଼ି ଘରକୁ ଫେରିବା ପଥରେ ଦୁର୍ଘଟଣାର କବଳରେ ପଡିଲେ ଜଣେ ବ୍ୟକ୍ତି। ଯଦିଓ ସେ ଅଳ୍ପକରୁ ରକ୍ଷା ପାଇଛନ୍ତି। ଶୁକ୍ରବାର ସକାଳେ ହାଓଡ଼ାର ଉଲୁବେଡିଆର ଶ୍ୟାମପୁର ରୋଡର ମାଉବେସିଆ ମଲିକ ଛକରେ ଏହି ଦୁର୍ଘଟଣା ଘଟିଛି। ପୋଲିସ ଏବଂ ସ୍ଥାନୀୟ ସୂତ୍ରରୁ ଜଣାପଡିଛି ଯେ, ଶ୍ୟାମପୁରର ବାସିନ୍ଦା ଅରିଜିତ ମଣ୍ଡଳଙ୍କର ଜଣେ ଭାଇ ବେଲଜିୟମରେ ରୁହନ୍ତି। ଅରିଜିତ ବାବୁ ତାଙ୍କ ବାପା-ମା ଏବଂ ସ୍ତ୍ରୀଙ୍କ ସହିତ ଏଦିନ ସକାଳେ ତାଙ୍କ ଭାଇଙ୍କୁ ଦମଦମ ବିମାନବନ୍ଦରରେ ଛାଡ଼ିବା ପାଇଁ ଏକ ଚାରିଚକିଆ ଗାଡ଼ିରେ ଯାଇଥିଲେ।
ବିମାନବନ୍ଦରରେ ନିଜ ଭାଇକୁ ଛାଡ଼ିବା ପରେ, ଚାରିଜଣ ଗାଡିରେ ଶ୍ୟାମପୁରସ୍ଥିତ ନିଜ ଘରକୁ ଫେରୁଥିଲେ। ସ୍ଥାନୀୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଭୋର ପ୍ରାୟ ସାଢ଼େ ୫ଟା ସମୟରେ ମାଉବେସିଆ ମଲିକ ଛକ ନିକଟରେ ଗାଡିଟି ନିୟନ୍ତ୍ରଣ ହରାଇ ଏକ କେନାଲକୁ ଓଲଟି ପଡ଼ିଥିଲା। କୌଣସି ପ୍ରକାରେ ଗାଡିରେ ଥିବା ଚାରିଜଣ ଯାତ୍ରୀ ବାହାରକୁ ବାହାରି ଆସିବାରେ ସଫଳ ହୋଇଥିଲେ। ପରେ ଖବର ପାଇବା ପରେ, ଉଲୁବେଡିଆ ଥାନାର ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଅରିଜିତ ମଣ୍ଡଳ କହିଛନ୍ତି ଯେ ମୋବାଇଲ ଫୋନ୍‌ଟି ଗାଡିର ସିଟ୍ ବେଲ୍ଟରେ ଫସି ଯାଇଥିଲା। ମୋବାଇଲ ଫୋନ୍ ବାହାର କରିବାକୁ ଚେଷ୍ଟା କରିବା ସମୟରେ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଲା। ସେ କହିଛନ୍ତି ଯେ ଦୁର୍ଘଟଣା ସମୟରେ ଗାଡିର ଝରକା କାଚ ଭାଙ୍ଗିଯିବାରୁ ଚାରିଜଣ ଭାଗ୍ୟର ଜୋରରେ ବାହାରକୁ ବାହାରି ଆସିବାରେ ସଫଳ ହୋଇଥିଲେ