ତାରିଖ- ୧୧-୦୧-୨୦୨୬
ସାମ୍ବାଦିକ ରବୀନ୍ଦ୍ର ନାଥ ମହାପାତ୍ର
ରାୟଗଡ଼ା : ରାଜ୍ୟ କିସାନ କଂଗ୍ରେସ ସଭାପତି ଅଭୟ ସାହୁ ଆଜି ରାୟଗଡ଼ା ଜିଲ୍ଲା ଗ୍ରସ୍ତ କରି ବିଭିନ୍ନ ଧାନ ମଣ୍ଡି ଗୁଡିକ ବୁଲିବା ସହ ରାଜ୍ୟ ସରକାର ଙ୍କୁ ବର୍ଷିଥିଲେ।ସେ ଜିଲ୍ଲା ର ରାୟଗଡ଼ା କୋଲନରା ପଦ୍ମପୁର ଚାଷୀଙ୍କ ସହ ମିଶିଥଲେ।ଆଜି ପଦ୍ମପୁର ବ୍ଲକରେ ସକାଳୁ ସକାଳୁ ହାଲୁକା ବର୍ଷ ହୋଇଥିଲା ଫଳରେ ଚାଷୀ ମାନେ ହଇରାଣ ହୋଇଛନ୍ତି ଏଣୁ ଜିଲ୍ଲା ର ଭାତ ହାଣ୍ଡି କୁହାଯାଉଥିବା ପଦ୍ମପୁର ର ସମସ୍ତ ମଣ୍ଡି କେବେ ସୁଧାର ଆସିବ ବୋଲି ସେ ପ୍ରଶ୍ନ କରିଥିଲେ। ଚଳିତ ଖରିଫ ଋତୁରେ ଧାନ କିଣା ଜିଲ୍ଲା ରେ ଅବ୍ୟବସ୍ଥା ଲାଗି ରହିଛି।ଏକ ମାସ ହେଲା ମଣ୍ଡି ଖୋଲା ଯାଇଛି କିନ୍ତୁ ଧାନ କିଣା ଠିକ୍ ରେ ହୋଇନି।ପ୍ରଥମେ ମିଲର୍ସ ଙ୍କ ମନ ମନି ସହ କଟିନି ଛଟିନି ଲାଗି ଚାଷୀ ହନ୍ତସନ୍ତ ହୋଇଛି ।ସେ ଆହୁରି କହିଛନ୍ତି ବର୍ଷ ସାରା ଚାଷୀ ମୁଣ୍ଡ ଝାଳ ତୁଣ୍ଡେ ମାରି କଷ୍ଟ ଅର୍ଜିତ ଧାନ ଫସଲ ଅମଳ କରିସାରିଛି।
ଏବେ ଅମଳ ହୋଇଥିବା ଧାନ କୁ ଧରି ହାଡ ଭଙ୍ଗା ଶୀତ କାକର ଖାଇ ଖଳା ରେ ଜଗିଛି ।ହେଲେ ସରକାର ଠିକ୍ ସମୟରେ ଚାଷୀ ଙ୍କ ଧାନ ନକିଣି ଚାଷୀ କୁ ହଇରାଣ କରୁଛି।ଆଜି ବର୍ଷା ଖରା ଶୀତ ରେ ପଡ଼ିଛି।କଟନି ଛଟନି ସହ ଅଭାବୀ ବିକ୍ରି ର ସମ୍ମୁଖୀନ ହେଉଥିବା ଅଭିଯୋଗ କରିଥିଲେ।ଏଥିପାଇଁ ସରକାର କୁ ଦାୟୀ ବୋଲି କହିଥିଲେ।ସେ ଦାବି କରିଥିଲେ ଆଗାମୀ ଦିନରେ ସରକାର ଅତି ଶୀଘ୍ର ଧାନ ବିନା ମାନ ନିର୍ଦ୍ଧାରଣ କରି କିଣନ୍ତୁ ।ଅନେକ ଚାଷୀ ଙ୍କୁ ଟୋକେନ ପ୍ରଦାନ କରନ୍ତୁ ।ଏଥିସହ କଟିନି ଛଟିନି ବନ୍ଦ କରନ୍ତୁ ଆଉ ମଣ୍ଡି କୁ ନେବା ପରିବହନ ଖର୍ଚ୍ଚ ସହ ଅଖା ମଧ୍ୟ ପ୍ରଦାନ କରନ୍ତୁ ବୋଲି କହିଥିଲେ।ଆଗାମୀ ଦିନରେ କଂଗ୍ରେସ ୩୦ଟି ଜିଲ୍ଲାରେ ଚାଷୀ ଙ୍କ ପାଖକୁ ଯାଇ ସମାବେଶ କରିବା ସହ ଜୋରଦାର ଆନ୍ଦୋଳନ କରିବ ବୋଲି ସରକାର ଙ୍କୁ ଚେତାବନୀ ଦେଇ କହିଥିଲେ।ଏହି ସମୟ ରେ ପଦ୍ମପୁର ବ୍ଲକ କଂଗ୍ରେସ ସଭାପତି ଙ୍କ ସାଂସଦ ଙ୍କ ପ୍ରତିନିଧି ଅନେକ କଂଗ୍ରେସ କର୍ମୀ ମାନେ ମଧ୍ୟ ଉପସ୍ଥିତି ରହି ଧାନ ମୁଣ୍ଡି ବୁଲି ଚାଷୀ ମାନଙ୍କୁ ଭେଟିଥିଲେ।
