ରବିନ୍ଦ୍ର ନାଥ ମହାପାତ୍ର Dt- 25.3.2026
ବିଶ୍ୱ ଯକ୍ଷ୍ମା ରୋଗ ଦିବସ (World TB Day) ଅବସରରେ ରାୟଗଡ଼ା ଜିଲ୍ଲା ସ୍ବାସ୍ଥ୍ୟ ସମିତି ପକ୍ଷରୁ ବିଭିନ୍ନ ସଚେତନତାମୂଳକ ନିରାକରଣ ପାଇଁ ସମୁହିକ ଭାଗୀଦାରି ଉପରେ ବିଶେଷ ଜୋର ଦିଆଯାଇଥିଲା I
ଏହି ଅବସରରେ ସହଯୋଗ ଇନଷ୍ଟିଟ୍ୟୁସନ୍ GNM ଟ୍ରେନିଙ୍ଗ କଲେଜ୍, ରାୟଗଡାର ନସିଂ ଛାତ୍ରଛାତ୍ରୀମାନଙ୍କ ଦ୍ବାରା ଏକ ବିଶାଳ ସଚେତନତା ରାଲି ଆୟୋଜିତ ହୋଇଥିଲା । ରାଲି ସମୟରେ “TB ଚିହ୍ନଟ କରନ୍ତୁ, ସମୟରେ ଚିକିତ୍ସା କରନ୍ତୁ” ଓ “TB ମୁକ୍ତ ଭାରତ ଗଠନ କରିବା” ପରି ସ୍ଲୋଗାନ୍ ଦ୍ବାରା ସାଧାରଣ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯାଇଥିଲା I
ଏହା ସହିତ ଡାକ୍ତରମାନଙ୍କ ପାଇଁ ଏକ Continuing Medical Education (CME) କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ଡା. ଭି. ସରୋଜିନୀ ଦେବୀ, CDM&PHO, ତା. ପି. କେ. ମିଶ୍ର, DMO (Medical Services) Cum Superintendent, DHH ରାୟଗଡା, ଡା. କେ. କେ. ବାରଇ, ADPHO (FW), ଡା. ରୁମା ମହାପାତ୍ରୋ, DPHO, ଡା. ପି. କେ. ସୁବୁଧ, ADPHO (TB) ସହିତ ଅନ୍ୟାନ୍ୟ ନୋଡାଲ୍ ଅଫିସରମାନେ ଉପସ୍ଥିତ ଥିଲେ । ଏଥିରେ କ୍ଷୟରୋଗର ନବୀନ ନିଦାନ ପ୍ରଣାଳୀ, ଚିକିତ୍ସା ପ୍ରଟୋକଲ୍ ଓ ରୋଗୀ ପରିଚାଳନା ବିଷୟରେ ବିସ୍ତୃତ ଆଲୋଚନା କରାଯାଇଥିଲା I
ଏହି ବର୍ଷର ଥୁମ୍ରେ ଉଲ୍ଲେତ “Janbhagidari” (ଜନଭାଗୀଦାରି) TB ନିରାକରଣରେ ଗୁରୁତ୍ଵପୂର୍ଣ । ସମାଜର ସମସ୍ତ ଶ୍ରେଣୀ—ସ୍ୱେଚ୍ଛାସେବୀ ସଂଗଠନ, ସ୍ଥାନୀୟ ସମୁଦାୟ, ଯୁବପିଢ଼ି ଓ ସାଧାରଣ ଲୋକମାନେ ଏକତ୍ରିତ ହୋଇ କାମ କଲେ TB ରୋଗୀଙ୍କୁ ସମୟରେ ଚିହ୍ନଟ, ସହଯୋଗ ଓ ପୂର୍ଣ୍ଣ ଚିକିତ୍ସା ନିଶ୍ଚିତ କରିପାରିବ । ଜନଭାଗୀଦାରି ଦ୍ବାରା ରୋଗୀଙ୍କ ଉପରେ ଥିବା ସାମାଜିକ କଳଙ୍କ କମିବା ସହିତ ସେମାନଙ୍କୁ ପୂଷ୍ଟିକର ଖାଦ୍ୟ ଓ ମାନସିକ ସମର୍ଥନ ମଧ୍ଯ ମିଳୁଛି।
ଜିଲ୍ଲାର NTEP କାର୍ଯ୍ୟକ୍ରମ ଅନ୍ତର୍ଗତ ୨୦୨୫ ବର୍ଷରେ ରାୟଗଡା ଉଲ୍ଲେଖନୀୟ ସଫଳତା ହାସଲ କରିଛି। TB Notification 6 ९০০% , Presumptive TB Examination 60%, TB HIV Screening 66 ୯୯% ଓ Diabetic Screening ରେ ୯୪% ସଫଳତା ଲାଭ ହୋଇଛି। ସେହିପରି Nikshay Poshan Yojana ରେ ୮୭% କାର୍ଯ୍ୟକ୍ଷମତା ସହିତ, ୮୮% TB ରୋଗୀଙ୍କୁ Nikshay donor ଦ୍ବାରା ଅଡଷ୍ଟ କରାଯାଇ ପୂଷ୍ଟିକର ଖାଦ୍ୟ ବାସ୍କେଟ୍ ପ୍ରଦାନ କରାଯାଇଛି I ଏହା ସହିତ ଜିଲ୍ଲାରେ ୯୦% TB Treatment Success Rate ମଧ୍ୟ ହାସଲ କରାଯାଇଛି।
ଯକ୍ଷ୍ମା ରୋଗ ଏକ ସଂକ୍ରାମକ କିନ୍ତୁ ସମ୍ପୂର୍ଣ ଭାବେ ନିରାମୟଯୋଗ୍ୟ ରୋଗ । ସରକାର ପକ୍ଷରୁ ମାଗଣା ପରୀକ୍ଷା ଓ ଚିକିତ୍ସା ସୁବିଧା ଉପଲବ୍ଧ ରହିଛି। ଦୀର୍ଘ ସମୟ ଧରି କାଶ, ଜ୍ୱର, ଓଜନ କମିବା ପରି ଲକ୍ଷଣ ଦେଖାଦେଇଥିଲେ ନିକଟସ୍ଥ ସ୍ବାସ୍ଥ୍ୟ କେନ୍ଦ୍ରକୁ ସମ୍ପର୍କ କରିବା ପାଇଁ ସମସ୍ତଙ୍କୁ ଅନୁରୋଧ କରାଯାଇଛି।
ଏହି କାର୍ଯ୍ୟକ୍ରମ ମାଧ୍ଯମରେ TB ମୁକ୍ତ ରାୟଗଡା ଓ TB ମୁକ୍ତ ଭାରତ ଗଠନ ପାଇଁ ସମସ୍ତଙ୍କ ସହଯୋଗ ଆହ୍ୱାନ କରାଯାଇଛି।
