“ମା ପେଣ୍ଡ୍ରାଣୀ” ସବୁଜ ସେନା ସଙ୍ଘ ତରଫରୁ ସ୍ୱଛତା କାର୍ଯ୍ୟକ୍ରମ

ଉମରକୋଟ/ ଶ୍ରୀକାନ୍ତ ନନ୍ଦ :-ଏକ ନିଆରା କାର୍ଯ୍ୟକ୍ରମ କାରି ପ୍ରଶଂସା ସାଉଁଟିଛନ୍ତି ମା ପେଣ୍ଡ୍ରାଣୀ ସବୁଜ ସେନା ସଂଘ l ନବରଙ୍ଗପୁର ଜିଲ୍ଲା ଉମରକୋଟ ଅଞ୍ଚଳରେ ଥିବା ଭାସ୍କେଲ ଡ୍ୟାମ ଠାରେ ଥିବା ମିନୀ ପାର୍କ ଏବଂ ପିକ୍ ନିକ୍ ସ୍ପୋର୍ଟ ରେ ମା ପେଣ୍ଡ୍ରାଣୀ ସବୁଜ ସେନା ସଙ୍ଘ ତରଫରୁ ଆଜି ଏକ ସ୍ଵଛତା କାର୍ଯ୍ୟକ୍ରମ କରାଯାଇଥିଲା l
ସ୍ଵଚ୍ଛ ପରିବେଶ ଓ ସୁସ୍ଥ ସମାଜ ଗଢ଼ିବା ଲକ୍ଷ୍ୟରେ ସଙ୍ଘର ସଦସ୍ୟମାନେ ରାସ୍ତା, ସାର୍ବଜନୀନ ସ୍ଥାନ ଓ ପିକ୍ ନିକ୍ ପାଇଁ କରାଯାଇଥିବା ସ୍ଥାନ ଓ ପର୍ଯ୍ୟଟକ ଙ୍କ ବ୍ଯବହାର କରୁଥିବା ସ୍ଥାନ କୁ ସଫା କରିଛନ୍ତି। ଏହି କାର୍ଯ୍ୟକ୍ରମ ମାଧ୍ୟମରେ ସାଧାରଣ ଲୋକଙ୍କୁ ସ୍ଵଛତା ପ୍ରତି ସଚେତନ କରାଯାଇଥିବା ସହ
“ସ୍ଵଛତା ହେଉଛି ସେବା” ବୋଲି ବାର୍ତ୍ତା ଦିଆଯାଇଛି।
ସବୁଜ ସେନା ସଙ୍ଘର ଏହି ପଦକ୍ଷେପକୁ ଅଞ୍ଚଳବାସୀ ସ୍ୱାଗତ କରିଥିବା ସହ ଦୂରଦୂରାନ୍ତରରୁ ଆସିଥିବା ପର୍ଯ୍ୟଟକ ମାନେ ମଧ୍ୟ ଏହିପରି ମହାନ କାର୍ଯ୍ୟକ୍ରମ ପାଇଁ ସଙ୍ଘର ସଦର୍ସ୍ୟ ମାନଙ୍କୁ ପ୍ରଶଂସା କରିଥିଲେ l
ଆଗାମୀ ଦିନରେ ଏପରି କାର୍ଯ୍ୟକ୍ରମ ଜାରି ରଖିବାକୁ ସଙ୍ଘ ତରଫରୁ ନିଷ୍ପତି ନିଆଯାଇଛି l