ପଞ୍ଜାବର ଦୁଇଟି ଭିନ୍ନ ଜିଲ୍ଲାରେ ମହିଳାଙ୍କୁ ହଇରାଣ କରିବା ଏବଂ ଦୁର୍ନୀତି ଅଭିଯୋଗରେ ଏହି ମାମଲା ଦାୟର କରାଯାଇଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯେ, ଏହି ମାମଲାଗୁଡ଼ିକ ଅଣ-ଜାମିନଯୋଗ୍ୟ ଧାରାରେ ରୁଜୁ ହୋଇଛି, ଯାହା ସନ୍ଦୀପଙ୍କ ପାଇଁ ଅଡୁଆ ବଢ଼ାଇ ଦେଇଛି। ସୂଚନା ଅନୁସାରେ, ପଞ୍ଜାବ ପୋଲିସର ଏକ ଦଳ ସନ୍ଦୀପ ପାଠକଙ୍କ ନୂଆଦିଲ୍ଲୀସ୍ଥିତ ବାସଭବନରେ ପହଞ୍ଚିଥିଲେ ମଧ୍ୟ ସେଠାରେ ଅଧିକାରୀମାନେ ପହଞ୍ଚିବା ପୂର୍ବରୁ ସେ ଘର ଛାଡ଼ି ଚାଲିଯାଇଥିବା ଦେଖିବାକୁ ମିଳିଥିଲା ।
ଆମ୍ ଆଦମୀ ପାର୍ଟିର ପୂର୍ବତନ ସାଂସଦ ସନ୍ଦୀପ ପାଠକଙ୍କ ପାଇଁ ଆଇନଗତ ସମସ୍ୟା ବଢ଼ିବାରେ ଲାଗିଛି। ରାଜ୍ୟସଭାର ଅନ୍ୟ ୬ ଜଣ ସାଂସଦଙ୍କ ସହ ଆପ୍ ପରିତ୍ୟାଗ କରି ଭାରତୀୟ ଜନତା ପାର୍ଟିରେ ସାମିଲ ହେବାର ମାତ୍ର କିଛି ଦିନ ମଧ୍ୟରେ ତାଙ୍କ ବିରୋଧରେ ପଞ୍ଜାବରେ ଦୁଇଟି ମାମଲା ରୁଜୁ ହୋଇଥିବା ଶନିବାର ସୂତ୍ରରୁ ପ୍ରକାଶ ପାଇଛି । ପଞ୍ଜାବର ଦୁଇଟି ଭିନ୍ନ ଜିଲ୍ଲାରେ ମହିଳାଙ୍କୁ ହଇରାଣ କରିବା ଏବଂ ଦୁର୍ନୀତି ଅଭିଯୋଗରେ ଏହି ମାମଲା ଦାୟର କରାଯାଇଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯେ, ଏହି ମାମଲାଗୁଡ଼ିକ ଅଣ-ଜାମିନଯୋଗ୍ୟ ଧାରାରେ ରୁଜୁ ହୋଇଛି, ଯାହା ସନ୍ଦୀପଙ୍କ ପାଇଁ ଅଡୁଆ ବଢ଼ାଇ ଦେଇଛି। ସୂଚନା ଅନୁସାରେ, ପଞ୍ଜାବ ପୋଲିସର ଏକ ଦଳ ସନ୍ଦୀପ ପାଠକଙ୍କ ନୂଆଦିଲ୍ଲୀସ୍ଥିତ ବାସଭବନରେ ପହଞ୍ଚିଥିଲେ ମଧ୍ୟ ସେଠାରେ ଅଧିକାରୀମାନେ ପହଞ୍ଚିବା ପୂର୍ବରୁ ସେ ଘର ଛାଡ଼ି ଚାଲିଯାଇଥିବା ଦେଖିବାକୁ ମିଳିଥିଲା । ପରିସ୍ଥିତିକୁ ଦୃଷ୍ଟିରେ ରଖି ଦିଲ୍ଲୀ ପୋଲିସର ଏକ ଦଳ ମଧ୍ୟ ସେଠାରେ ମୁତୟନ ହୋଇଛନ୍ତି ଏବଂ ବାସଭବନ ପରିସରରେ ସୁରକ୍ଷା ବ୍ୟବସ୍ଥାକୁ ବେଶ୍ କଡ଼ାକଡ଼ି କରାଯାଇଛି ।ଅନ୍ୟପଟେ ନିଜ ପ୍ରତିକ୍ରିୟାରେ ସନ୍ଦୀପ ପାଠକ କହିଛନ୍ତି ଯେ, ସେ ଏହି ମାମଲା ବିଷୟରେ କିଛି ଜାଣିନାହାନ୍ତି ଏବଂ ପୋଲିସ ତାଙ୍କ ସହ କୌଣସି ଯୋଗାଯୋଗ କରିନାହିଁ। ସେ ସର୍ବଦା ନିଷ୍ଠା ଓ ସଚ୍ଚୋଟତାର ସହ ଦେଶର ସେବା କରିଛନ୍ତି ଏବଂ କେବେବି ଦେଶଦ୍ରୋହ କରିବେ ନାହିଁ ବୋଲି ପ୍ରକାଶ କରିଛନ୍ତି। ଯଦି ତାଙ୍କ ଭଳି ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି, ତେବେ ଏହା ବିରୋଧୀଙ୍କ ଭୟକୁ ଦର୍ଶାଉଛି ବୋଲି ସେ କହିଛନ୍ତି। ୨୦୨୨ ପଞ୍ଜାବ ବିଧାନସଭା ନିର୍ବାଚନରେ ଆପର ବିଜୟ ପଛରେ ମୁଖ୍ୟ ରଣନୀତିକାର ଭାବେ ପରିଚିତ ସନ୍ଦୀପ ପାଠକଙ୍କ ବିଜେପି ଗମନ ଅରବିନ୍ଦ କେଜ୍ରିୱାଲଙ୍କ ଦଳ ପାଇଁ ଏକ ଶକ୍ତ ଧକ୍କା ବୋଲି କୁହାଯାଉଛି । ରାଘବ ଚଢ଼ାଙ୍କ ସମେତ ୭ ଜଣ ସାଂସଦ ବିଜେପିରେ ମିଶିବା ପରେ ଦଳ ଆଗାମୀ ନିର୍ବାଚନ ପାଇଁ ଚିନ୍ତାରେ ରହିଛି। ଗତ ଏପ୍ରିଲ ୨୪ରେ ଏକ ସାମ୍ବାଦିକ ସମ୍ମିଳନୀରେ ସନ୍ଦୀପ କହିଥିଲେ ଯେ, ଆପରେ କାମ କରିବା କଷ୍ଟକର ହେବାରୁ ସେ ଦେଶର ସ୍ୱାର୍ଥ ପାଇଁ ଏହି ନିଷ୍ପତ୍ତି ନେଇଛନ୍ତି। ଏ
ଚର୍ଚ୍ଚା news
