ହତ୍ୟା ପୂର୍ବରୁ ୭୨ ଘଣ୍ଟା ଧରି ଚାଲିଥିଲା ରେକି, ପୂରା ଅପରେସନ୍ ଥିଲା ପ୍ଲାନ୍ଡ : ଏସ୍ଆଇଟି
ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଘନିଷ୍ଠ ସହଯୋଗୀ ତଥା ବ୍ୟକ୍ତିଗତ ସହାୟକ ଚନ୍ଦ୍ରନାଥ ରଥଙ୍କୁ ହତ୍ୟା କରାଯିବା ମାମଲାରେ ଏବେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଚନ୍ଦ୍ରନାଥ ଶୁଭେନ୍ଦୁ ଅଧିକାରୀଙ୍କ ସହ ଅନେକ ବର୍ଷ ଧରି ଘନିଷ୍ଠ ଭାବେ କାମ କରୁଥିଲେ ।
BY-SUBHASMITA-8.5.2026
ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଘନିଷ୍ଠ ସହଯୋଗୀ ତଥା ବ୍ୟକ୍ତିଗତ ସହାୟକ ଚନ୍ଦ୍ରନାଥ ରଥ ହତ୍ୟାକାଣ୍ଡ ମାମଲାରେ ତଦନ୍ତ ଯେତେ ଆଗକୁ ବଢ଼ୁଛି, ସେତେ ଚମକପୂର୍ଣ୍ଣ ତଥ୍ୟ ସାମ୍ନାକୁ ଆସୁଛି । ଏହି ହତ୍ୟାକାଣ୍ଡ ପଛରେ ଏକ ସୁଯୋଜିତ ଷଡଯନ୍ତ୍ର ଥିବା ସନ୍ଦେହ କରୁଛି ଏସ୍ଆଇଟି । ତଦନ୍ତକାରୀଙ୍କ କହିବା ଅନୁସାରେ, ଘଟଣାର ୭୨ ଘଣ୍ଟା ପୂର୍ବରୁ ଆକ୍ରମଣକାରୀମାନେ ମଧ୍ୟମଗ୍ରାମ ଅଞ୍ଚଳରେ ରେକି କରିଥିଲେ ଓ ପଳାୟନ ପଥ ମଧ୍ୟ ପୂର୍ବରୁ ଚିହ୍ନଟ କରି ରଖିଥିଲେ ।
ବୁଧବାର ରାତିରେ ଉତ୍ତର ୨୪ ପ୍ରଗଣା ଜିଲ୍ଲାରେ ଘଟିଥିବା ଏହି ଗୁଳିକାଣ୍ଡରେ ଚନ୍ଦ୍ରନାଥ ରଥଙ୍କୁ ଅତି ନିକଟରୁ ଗୁଳି କରାଯାଇଥିଲା । ଏସ୍ଆଇଟିର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଦୁଇଟି ବାଇକ୍ ଓ ଗୋଟିଏ କାର୍ ମିଶି ରଥଙ୍କ ସ୍କର୍ପିଓକୁ ଫଲୋ କରୁଥିଲା । ପ୍ରଥମେ କାର୍ଟି ରଥଙ୍କ ଗାଡ଼ିକୁ ଓଭରଟେକ୍ କରି ରାସ୍ତା ଅଟକାଇଥିଲା, ପରେ ହେଲମେଟ୍ ପିନ୍ଧିଥିବା ବାଇକ୍ ଆରୋହୀମାନେ ଗାଡ଼ି ପାଖକୁ ଆସି ଗ୍ଲକ୍ ପିସ୍ତଲରୁ ଏକାଧିକ ରାଉଣ୍ଡ ଗୁଳି ଚଳାଇଥିଲେ ।
ଘଟଣାସ୍ଥଳରୁ ମିଳିଥିବା ସିସିଟିଭି ଫୁଟେଜ୍ ଓ ପ୍ରତ୍ୟକ୍ଷଦର୍ଶୀଙ୍କ ବୟାନ ଆଧାରରେ ପୁଲିସ କହିଛି ଯେ, ଆକ୍ରମଣକାରୀମାନେ ପେସାଦାର ଭାବରେ ଏହି ହତ୍ୟାକାଣ୍ଡ କରିଥିଲେ । ବ୍ୟବହୃତ ବାଇକ୍ରେ କୌଣସି ନମ୍ବର ପ୍ଲେଟ୍ ନଥିବା ବେଳେ, ଜବତ ହୋଇଥିବା କାର୍ର ନମ୍ବର ପ୍ଲେଟ୍କୁ ମଧ୍ୟ ଟ୍ୟାମ୍ପରିଂ କରାଯାଇଥିଲା ।
ଗୁଳିକାଣ୍ଡରେ ରଥଙ୍କ ଡ୍ରାଇଭର ବୁଦ୍ଧଦେବ ବେରା ଗୁରୁତର ଆହତ ହୋଇଥିବା ବେଳେ, ପଛ ସିଟ୍ରେ ବସିଥିବା ଅନ୍ୟ ଜଣେ ବିଜେପି କର୍ମୀ ଅଳ୍ପକେ ବର୍ତ୍ତି ଯାଇଥିଲେ । ଶବବ୍ୟବଚ୍ଛେଦ ରିପୋର୍ଟରୁ ରଥଙ୍କ ଛାତି ଓ ପେଟରେ ଗୁଳି ବାଜିଥିବା ସ୍ପଷ୍ଟ ହୋଇଛି ।
ଏହି ଘଟଣାକୁ ପୂର୍ବ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଅଭିହିତ କରିଛନ୍ତି ଶୁଭେନ୍ଦୁ ଅଧିକାରୀ । ଅନ୍ୟପଟେ, ତଦନ୍ତକାରୀ ଟିମ୍ ସିସିଟିଭି ଫୁଟେଜ୍, କଲ୍ ଡିଟେଲ୍ ଓ ସ୍ଥାନୀୟ ସୂଚନା ଆଧାରରେ ଆକ୍ରମଣକାରୀଙ୍କ ଖୋଜଖବର ଜାରି ରଖିଛି ।
ଚର୍ଚ୍ଚା newsବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଘନିଷ୍ଠ ସହଯୋଗୀ ତଥା ବ୍ୟକ୍ତିଗତ ସହାୟକ ଚନ୍ଦ୍ରନାଥ ରଥଙ୍କୁ ହତ୍ୟା କରାଯିବା ମାମଲାରେ ଏବେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଚନ୍ଦ୍ରନାଥ ଶୁଭେନ୍ଦୁ ଅଧିକାରୀଙ୍କ ସହ ଅନେକ ବର୍ଷ ଧରି ଘନିଷ୍ଠ ଭାବେ କାମ କରୁଥିଲେ ।
BY-SUBHASMITA-8.5.2026
ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଘନିଷ୍ଠ ସହଯୋଗୀ ତଥା ବ୍ୟକ୍ତିଗତ ସହାୟକ ଚନ୍ଦ୍ରନାଥ ରଥ ହତ୍ୟାକାଣ୍ଡ ମାମଲାରେ ତଦନ୍ତ ଯେତେ ଆଗକୁ ବଢ଼ୁଛି, ସେତେ ଚମକପୂର୍ଣ୍ଣ ତଥ୍ୟ ସାମ୍ନାକୁ ଆସୁଛି । ଏହି ହତ୍ୟାକାଣ୍ଡ ପଛରେ ଏକ ସୁଯୋଜିତ ଷଡଯନ୍ତ୍ର ଥିବା ସନ୍ଦେହ କରୁଛି ଏସ୍ଆଇଟି । ତଦନ୍ତକାରୀଙ୍କ କହିବା ଅନୁସାରେ, ଘଟଣାର ୭୨ ଘଣ୍ଟା ପୂର୍ବରୁ ଆକ୍ରମଣକାରୀମାନେ ମଧ୍ୟମଗ୍ରାମ ଅଞ୍ଚଳରେ ରେକି କରିଥିଲେ ଓ ପଳାୟନ ପଥ ମଧ୍ୟ ପୂର୍ବରୁ ଚିହ୍ନଟ କରି ରଖିଥିଲେ ।
ବୁଧବାର ରାତିରେ ଉତ୍ତର ୨୪ ପ୍ରଗଣା ଜିଲ୍ଲାରେ ଘଟିଥିବା ଏହି ଗୁଳିକାଣ୍ଡରେ ଚନ୍ଦ୍ରନାଥ ରଥଙ୍କୁ ଅତି ନିକଟରୁ ଗୁଳି କରାଯାଇଥିଲା । ଏସ୍ଆଇଟିର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଦୁଇଟି ବାଇକ୍ ଓ ଗୋଟିଏ କାର୍ ମିଶି ରଥଙ୍କ ସ୍କର୍ପିଓକୁ ଫଲୋ କରୁଥିଲା । ପ୍ରଥମେ କାର୍ଟି ରଥଙ୍କ ଗାଡ଼ିକୁ ଓଭରଟେକ୍ କରି ରାସ୍ତା ଅଟକାଇଥିଲା, ପରେ ହେଲମେଟ୍ ପିନ୍ଧିଥିବା ବାଇକ୍ ଆରୋହୀମାନେ ଗାଡ଼ି ପାଖକୁ ଆସି ଗ୍ଲକ୍ ପିସ୍ତଲରୁ ଏକାଧିକ ରାଉଣ୍ଡ ଗୁଳି ଚଳାଇଥିଲେ ।
ଘଟଣାସ୍ଥଳରୁ ମିଳିଥିବା ସିସିଟିଭି ଫୁଟେଜ୍ ଓ ପ୍ରତ୍ୟକ୍ଷଦର୍ଶୀଙ୍କ ବୟାନ ଆଧାରରେ ପୁଲିସ କହିଛି ଯେ, ଆକ୍ରମଣକାରୀମାନେ ପେସାଦାର ଭାବରେ ଏହି ହତ୍ୟାକାଣ୍ଡ କରିଥିଲେ । ବ୍ୟବହୃତ ବାଇକ୍ରେ କୌଣସି ନମ୍ବର ପ୍ଲେଟ୍ ନଥିବା ବେଳେ, ଜବତ ହୋଇଥିବା କାର୍ର ନମ୍ବର ପ୍ଲେଟ୍କୁ ମଧ୍ୟ ଟ୍ୟାମ୍ପରିଂ କରାଯାଇଥିଲା ।
ଗୁଳିକାଣ୍ଡରେ ରଥଙ୍କ ଡ୍ରାଇଭର ବୁଦ୍ଧଦେବ ବେରା ଗୁରୁତର ଆହତ ହୋଇଥିବା ବେଳେ, ପଛ ସିଟ୍ରେ ବସିଥିବା ଅନ୍ୟ ଜଣେ ବିଜେପି କର୍ମୀ ଅଳ୍ପକେ ବର୍ତ୍ତି ଯାଇଥିଲେ । ଶବବ୍ୟବଚ୍ଛେଦ ରିପୋର୍ଟରୁ ରଥଙ୍କ ଛାତି ଓ ପେଟରେ ଗୁଳି ବାଜିଥିବା ସ୍ପଷ୍ଟ ହୋଇଛି ।
ଏହି ଘଟଣାକୁ ପୂର୍ବ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଅଭିହିତ କରିଛନ୍ତି ଶୁଭେନ୍ଦୁ ଅଧିକାରୀ । ଅନ୍ୟପଟେ, ତଦନ୍ତକାରୀ ଟିମ୍ ସିସିଟିଭି ଫୁଟେଜ୍, କଲ୍ ଡିଟେଲ୍ ଓ ସ୍ଥାନୀୟ ସୂଚନା ଆଧାରରେ ଆକ୍ରମଣକାରୀଙ୍କ ଖୋଜଖବର ଜାରି ରଖିଛି ।
ଚର୍ଚ୍ଚା news
