ପ୍ରଶାନ୍ତ ରାଉଳ
କୋଲକତା
ରାଜ୍ୟ ପଶ୍ଚିମ ବଙ୍ଗର ଆଲିପୁରଦୁଆର ଜିଲ୍ଲା ସ୍ଥିତ ଜଙ୍କସନର ଦକ୍ଷିଣ ଚାଚାଖାତା ଅଞ୍ଚଳର ଏକ ଘରୁ ଏକ 7 ମାସ ଶିଶୁ ଚୋରି ହୋଇଥିବା କୁ ନେଇ ପରିବାର ଲୋକେ ପୋଲିସ କୁ ଲିଖିତ ଅଭିଯୋଗ କରିଥିଲେ ଓ ପୋଲିସ ତଦନ୍ତ ଆରମ୍ଭ କରି ମାଆ ଏବଂ ଶିଶୁଟିର ଜେଜେବାପାଙ୍କ ବ୍ୟତୀତ ସେଠାରେ ଆଉ କେହି ନଥିଲେ ବୋଲି ତଦନ୍ତ ରେ ଜାଣି ପାରି ଥିଲେ। ଘଟଣାର ତଦନ୍ତ କରିବା ପରେ, ପୋଲିସର ନଜରକୁ ଅନେକ ସନ୍ଦେହଜନକ ସୂଚନା ଆସିଥିଲା। ଏହା ପରେ, ପୋଲିସ ଏକ ବଡ଼ ପୋଲିସ ଫୋର୍ସ ସହିତ ଏକାଧିକ ଦଳରେ ଘଟଣାର ତଦନ୍ତ ଆରମ୍ଭ କରିଥିଲା। ପୋଲିସ ତଦନ୍ତ ପାଇଁ ମୋଡ଼ ନେଇଥିଲା। ନିଖୋଜ ଶିଶୁଟିର ମାଆ ଏବଂ ପରିବାରର ଅନ୍ୟ ସଦସ୍ୟଙ୍କ ସହିତ କଥା ହେବା ପରେ, ପୋଲିସ ସନ୍ଦେହ କରିଥିଲା 7 ମାସ ଶିଶୁ ମା ଉପରେ ଏହା ପରେ, ପୋଲିସ ନିଖୋଜ 7 ମାସ ଶିଶୁଟିର ମାଆକୁ ସନ୍ଦେହ କରିଥିଲା ଏବଂ ତଦନ୍ତର ଅଗ୍ରଗତି ବୃଦ୍ଧି କରିଥିଲା। ଏହା ପରେ, ଦୀର୍ଘ ୧୦ ଘଣ୍ଟା ପଚରାଉଚରା ପରେ, ପୋଲିସ ମା’ଠାରୁ ଶିଶୁଟିର ନିର୍ମମ ଭାବେ ହତ୍ୟା ଘଟଣାର ରହସ୍ୟ ଉଦ୍ଧାର କରିଥିଲା। ଜଣା ପଡ଼ିଛି ଯେ ଅନେକ ପାରିବାରିକ ବିବାଦ ଏବଂ ସମସ୍ୟା ଯୋଗୁଁ 7 ମାସ ଶିଶୁ ମା’ ପୂଜା ଦେ ଘୋଷ ତାଙ୍କର ସାତ ମାସର ଶିଶୁକନ୍ୟାଙ୍କୁ ହତ୍ୟା କରିଥିଲେ। ପୂଜା ଘୋଷଙ୍କୁ ପଚରାଉଚରା କରିବା ପରେ, ପୋଲିସ ଘର ପଛପଟେ ଥିବା ଏକ ପୋଖରୀ କୂଳରୁ ମାଟି ତଳେ ପୋତି ଦେଇ ଥିବା ନିଖୋଜ ଶିଶୁର ମୃତଦେହ ଉଦ୍ଧାର କରିଛି। ଏହି ଘଟଣା ଆଲିପୁରଦୁଆର ଜିଲ୍ଲାରେ ଏକ ବିରାଟ ଚାଞ୍ଚଲ୍ୟ ସୃଷ୍ଟି କରିଛି। ଏହି ଘଟଣାରେ ପୋଲିସ ମୃତ ଶିଶୁର ମାଆଙ୍କୁ ଗିରଫ କରିଛି। ପରିବାରର ଅନ୍ୟ କେହି 7 ମାସ ଶିଶୁ ହତ୍ୟାକାଣ୍ଡରେ ସମ୍ପୃକ୍ତ ଅଛନ୍ତି କି ନାହିଁ ସେ ବିଷୟରେ ପୋଲିସ ତଦନ୍ତ ଆରମ୍ଭ କରିଛି।
