ଓଡିଶୀ ଆଶ୍ରମର ଚତୁର୍ଥ ଚନ୍ଦ୍ରକଳା ନୃତ୍ୟ ଉତ୍ସବ ଉତ୍କଳ କଳା ସଂସ୍କୃତିର ନିଦର୍ଶନ ଓଡିଶୀ
ସାମ୍ବାଦିକ: ପ୍ରଶାନ୍ତ ରାଉଳ
କୋଲକାତା
ପ୍ରଖ୍ୟାତ ଓଡିଶୀ ସ୍ବର୍ଗତ ନୃତ୍ୟ ଗୁରୁ ଗିରିଧାରୀ ନାୟକଙ୍କ ସ୍ମୃତିରେ ରବିବାର ସଂଧ୍ୟାରେ ଆଇସିସିଆର ସତ୍ୟଜିତ ରାୟ ଅଡିଟୋରିୟମରେ ଓଡିଶୀ ଆଶ୍ରମ ପକ୍ଷରୁ ଅନୁଷ୍ଠିତ ହୋଇଯାଇଛି ଚତୁର୍ଥ ଚନ୍ଦ୍ରକଳା ନୃତ୍ୟ ଉତ୍ସବ୤ ଉତ୍ସବକୁ ଉଦ୍‌ଘାଟନ କରିଲେ ପ୍ରଖ୍ୟାତ ଓଡିଶୀ ଗୁରୁ ମା’ ତଥା ସଙ୍ଗୀତ ନାଟକ ଏକାଡେମୀ ପୁରଷ୍କାର ପ୍ରାପ୍ତ ଆଲୋକା କାନୁନଗୋ୤ ଉଦ୍‌ଘାଟନ କରି ସେ କହିଲେ ଭାରତରେ ଶାସ୍ତ୍ରୀୟ ନୃତ୍ୟ ଗୁଡିକ ମଧ୍ୟରୁ ଓଡିଶୀ ନୃତ୍ୟ ଅନ୍ୟତମ୤ ସ୍ବର୍ଗୀୟ ଗୁରୁ ଗିରିଧାରୀ ନାୟକ ଓଡିଶୀ ନୃତ୍ୟ ସହ ମୃଦଙ୍ଗ ବାଦ୍ୟରେ ଯେଉଁ ନୂତନତ୍ବ ସୃଷ୍ଟି କରି ଯାଇଛନ୍ତି ତାହା ଅନ୍ୟାନ୍ୟ୤ ଗୁରୁଙ୍କ ପଦ ଅନୁସରଣ କରି ତାଙ୍କ ଝିଅ ସୁଜାତା ଜଣେ ଦକ୍ଷ ନୃତ୍ୟ ଶିଳ୍ପୀ ଭାବରେ ସୁପରିଚିତ୤ ସମ୍ମାନୀତ ଅତିଥି ରବୀନ୍ଦ୍ର ଭାରତୀ ବିଶ୍ବବିଦ୍ୟାଳୟ ନୃତ୍ୟ ବିଭାଗ ମୁଖ୍ୟ ପ୍ରଫେସର ରାହୁଲ ଦେବ ମଣ୍ଡଳ କହିଲେ ଓଡିଶୀ ଆଶ୍ରମର ପ୍ରୟାସ ପ୍ରଂଶସନୀୟ୤ ଓଡିଶୀ ନୃତ୍ୟର ବିବିଧତାକୁ ବଜାୟ ରଖିଛି୤ କଥକ ନୃତ୍ୟ ବିଶେଷଙ୍କ ଗୁରୁ ସନ୍ଦୀପ ମଲ୍ଲିକ ଯୋଗଦେଇ କହିଲେ ଓଡିଶୀ ନୃତ୍ୟ ଆଜି ଦେଶ ବିଦେଶରେ ଆଦର ପାଉଛି୤ ଏହି ଉତ୍ସବରେ ଗୁରୁ ମା’ ଆଲୋକା କାନୁନଗୋ ଓ ଗୁରୁ ସନ୍ଦୀପ ମଲ୍ଲିକଙ୍କୁ ୰ ଗୁରୁ ଗିରିଧାରୀ ନାୟକ ସ୍ମୃତି ପୁରଷ୍କାର ଓ ପ୍ରଫେସର ରାହୁଳ ଦେବ ମଣ୍ଡଳ, ଉଦୀୟମାନ ଅତିଥି ନୃତ୍ୟଶିଳ୍ପୀଙ୍କୁ ଚନ୍ଦ୍ରକଳା ସମ୍ମାନ ପ୍ରଦାନ କରିଥିଲେ ଚନ୍ଦ୍ରକଳା ଉତ୍ସବ ନିର୍ଦ୍ଦେଶିକା ତମାଳିକା ନାୟକ୤ ଧନ୍ୟବାଦ ଅର୍ପଣ କରିଥିଲେ ସୁଜାତା ନାୟକ୤ ଦର୍ଶକ ଏଦିନ ଓଡିଶୀ ଆଶ୍ରମ ଛାତ୍ରୀମାନଙ୍କ ନୃତ୍ୟରେ ବିମୋହିତ ହୋଇଥିଲେ୤