ଗ୍ରାମୀଣ ଶିଳ୍ପୀ, କୃଷକ ଓ ସମୁଦାୟ ଆଧାରିତ ସଂଗଠନ (CBOs) ମାନଙ୍କ ଉତ୍ପାଦକୁ ସହରୀୟ ବଜାର ସହିତ ସିଧାସଳଖ ଯୋଗାଯୋଗ କରାଇବା ଉଦ୍ଦେଶ୍ୟରେ ନେତାଜୀ ବସଷ୍ଟାଣ୍ଡ ଠାରେ ଓରମାସ ପକ୍ଷରୁ ନବ ନିର୍ମିତ ଅନ୍ନପୂର୍ଣ୍ଣା ଗ୍ରାମୀଣ ବଜାର ଆଜି ଉଦଘାଟିତ ହୋଇଛି।
ଏହି ବଜାର ଗ୍ରାମୀଣ ଅର୍ଥନୀତିକୁ ଶକ୍ତିଶାଳୀ କରିବା ସହ ଶିଳ୍ପୀମାନଙ୍କୁ ନ୍ୟାୟସଙ୍ଗତ ମୂଲ୍ୟ ଓ ନିଶ୍ଚିତ ବଜାର ଯୋଗାଇବାରେ ଏକ ମାଇଲସ୍ଟୋନ୍ ସାବିତ ହେବ। ଏଠାରେ ରାଜ୍ୟର ୨୨ଟି ଜିଲ୍ଲାରୁ ଆସିଥିବା ୭୨ ପ୍ରକାରର ହସ୍ତଶିଳ୍ପ, ହସ୍ତତନ୍ତ୍ର, ଖାଦ୍ୟ ପ୍ରସ୍ତୁତି ଓ ପାରମ୍ପରିକ ଉତ୍ପାଦ ସିଧାସଳଖ ଉପଲବ୍ଧ ହେଉଛି, ଯାହା “ଗ୍ରାମରୁ ସହର” ଧାରଣାକୁ ସାର୍ଥକ କରିଛି।
ଉଦଘାଟନ ଅବସରରେ ମାନ୍ୟବର କଟକ ସାଂସଦ ଡଃ ଭର୍ତ୍ତୃହରି ମହତାବ, ଚୌଦ୍ଵାର-କଟକ ବିଧାୟକ, ଶ୍ରୀ ସୌଭିକ ବିଶ୍ୱାଳ, ଜ଼ିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ୍ ଶ୍ରୀ ଦତ୍ତାତ୍ରୟ ଭାଉସାହେବ ଶିନ୍ଦେ କଟକ ମହାନଗର ନିଗର ନିଗମ ଆୟୁକ୍ତ , ସୁଶ୍ରୀ କିରଣଦୀପ ସହୋତା ଙ୍କ ସମେତ ଓରମାସର ଯୁଗ୍ମ କାର୍ଯ୍ୟନିର୍ବାହୀ ଶ୍ରୀ ବିପିନ ରାଉତ ପ୍ରମୁଖ ଉପସ୍ଥିତ ଥିଲେ। ଏହି ପଦକ୍ଷେପକୁ ଗ୍ରାମୀଣ ଉଦ୍ୟମିତାର ଏକ ଶକ୍ତିଶାଳୀ ମଞ୍ଚ ବୋଲି ଅତିଥି ମାନେ ମତ ପ୍ରକାଶ କରିଥିଲେ।
ସମୁଦାୟ ଆଧାରିତ ସଂଗଠନ (CBOs) ପାଇଁ ଲାଭ:
ଅନ୍ନପୂର୍ଣ୍ଣା ଗ୍ରାମୀଣ ବଜାର CBOs, ମହିଳା ସ୍ୱୟଂସାହାୟ୍ୟ ଗୋଷ୍ଠୀ (SHGs), ଏବଂ FPOs ମାନଙ୍କ ପାଇଁ ଏକ ସ୍ଥାୟୀ ବିକ୍ରୟ ମଞ୍ଚ ଭାବେ କାମ କରିବ। ଏହା ମାଧ୍ୟମରେ ମଧ୍ୟସ୍ଥ ବିନା ସିଧା ବଜାର ଯୋଗାଯୋଗ ସୁନିଶ୍ଚିତ ହେବ
ଉତ୍ପାଦକମାନେ ଉଚିତ ମୂଲ୍ୟ ପାଇବେ
ବ୍ରାଣ୍ଡିଂ, ପ୍ୟାକେଜିଂ ଓ ମାର୍କେଟିଂରେ ସହଯୋଗ ମିଳିବ
ଗ୍ରାମୀଣ ମହିଳା ଓ ଯୁବ ଉଦ୍ୟମୀମାନେ ଆର୍ଥିକ ଭାବେ ସ୍ୱାବଲମ୍ବୀ ହେବେ
ପାରମ୍ପରିକ କୌଶଳ ଓ ହସ୍ତଶିଳ୍ପର ସୁରକ୍ଷା ସହ ନୂତନ ବଜାର ସୃଷ୍ଟି ହେବ
ଏହି ପଦକ୍ଷେପ ଗ୍ରାମୀଣ ଉତ୍ପାଦକଙ୍କ ପାଇଁ କେବଳ ଏକ ବଜାର ନୁହେଁ, ବରଂ ଏକ ଆର୍ଥିକ ସଶକ୍ତିକରଣ ମଞ୍ଚ ଭାବେ ପରିଣତ ହେବା ସହ ଓଡ଼ିଶାର ପାରମ୍ପରିକ ଶିଳ୍ପକୁ ରାଷ୍ଟ୍ରୀୟ ଓ ଆନ୍ତର୍ଜାତୀୟ ପରିଚୟ ଦେବାରେ ସହାୟକ ହେବ ।
ଚର୍ଚ୍ଚା news
