BY-ରାଜୀବ କୁମାର ବେହେରା
ଉଦଳା :ମହାନ ଆଦିବାସୀ ନେତା ସହିଦ ବୀର ଭଗବାନ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତିକୁ ଅବମାନନା କରାଯାଇଥିବା ଘଟଣାକୁ ନେଇ ମୟୂରଭଞ୍ଜ ଜିଲ୍ଲା କପ୍ତିପଦା ଶରତରେ ତୀବ୍ର ଉତ୍ତେଜନା ସୃଷ୍ଟି ହୋଇଛି।
ସୂଚନା ଅନୁସାରେ, ଗତ ୧୦ ତାରିଖରେ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତିକୁ କେତେକ ଦୁର୍ବୃତ୍ତ ଶାଢୀ ପିନ୍ଧାଇ ଅପମାନ କରିଥିବା ଅଭିଯୋଗ ହୋଇଛି। ଏହି ଘଟଣା ପ୍ରଚାର ପାଇବା ପରେ ସ୍ଥାନୀୟ ଲୋକମାନଙ୍କ ମଧ୍ୟରେ ଭାରୀ କ୍ଷୋଭ ସୃଷ୍ଟି ହୋଇଥିଲା।
ଘଟଣାକୁ ଚାରି ଦିନ ବିତିଥିଲେ ମଧ୍ୟ ପୋଲିସ ପକ୍ଷରୁ କାହାକୁ ଗିରଫ କରାଯାଇନଥିବାରୁ ଲୋକମାନଙ୍କ ଅସନ୍ତୋଷ ଆଉ ବଢ଼ିଛି। ଏହାକୁ ନେଇ ଉଦଳାରେ ଶରତ ବନ୍ଦ ଡାକ ଦିଆଯାଇଥିବା ସହ ଚକାଜାମ ଆନ୍ଦୋଳନ କରାଯାଇଥିବା ନଜର ହୋଇଛି।
ପ୍ରତିବାଦକାରୀମାନେ ଦୋଷୀମାନଙ୍କୁ ଶୀଘ୍ର ଗିରଫ କରି କଠୋର କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି। ଚକାଜାମ ଫଳରେ ରାସ୍ତା ଯାତାୟାତ କେତେକ ସମୟ ପାଇଁ ବାଧାପ୍ରାପ୍ତ ହୋଇଥିଲା।
ଘଟଣାର ଗୁରୁତ୍ୱକୁ ଦୃଷ୍ଟିରେ ରଖି ପୋଲିସ ପକ୍ଷରୁ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡା କରାଯାଇଥିବା ବେଳେ ପରିସ୍ଥିତିକୁ ନିୟନ୍ତ୍ରଣରେ ରଖିବା ପାଇଁ ପ୍ରୟାସ ଜାରି ରହିଛି। ଏହି ଘଟଣା ପରେ ଅଞ୍ଚଳରେ ଶୋକ ଓ କ୍ଷୋଭର ମାହୋଲ ଦେଖାଦେଇଛି ଲ
ଚର୍ଚ୍ଚା news
