ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଦଶମ ଶ୍ରେଣୀ ପରୀକ୍ଷା ଫଳ ଆଜି ପ୍ରକାଶ ପାଇବ । ଏହାକୁ ନେଇ ୫ଲକ୍ଷ ୬୦ ହଜାର ପରୀକ୍ଷାର୍ଥୀଙ୍କ ଭିତରେ ଯେତିକି ଉତ୍କଣ୍ଠା ରହିଛି ସେତିକି ଡର ମଧ୍ୟ ମନ୍ ଭିତରେ ଚାଲିଛି । ପରୀକ୍ଷା ଫଳ କଣ ହେବ, ଭଲ ହେବ ନାହିଁ, ନିଜ ଆକଳନ ମୁତାବକ ଫଳ ଆସିବ ତ ଏଭଳି ଅନେକ ପ୍ରଶ୍ନ କୁ ନେଇ ପରୀକ୍ଷା ଫୋବିଆ ପରୀକ୍ଷାର୍ଥୀଙ୍କୁ ଅଭିଭାବକମାନଙ୍କୁ ମଧ୍ୟ ଚିନ୍ତାରେ ପକାଇଛି ।
ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଦଶମ ଶ୍ରେଣୀ ପରୀକ୍ଷା ଫଳ ଆଜି ପ୍ରକାଶ ପାଇବ । ଏହାକୁ ନେଇ ୫ଲକ୍ଷ ୬୦ ହଜାର ପରୀକ୍ଷାର୍ଥୀଙ୍କ ଭିତରେ ଯେତିକି ଉତ୍କଣ୍ଠା ରହିଛି ସେତିକି ଡର ମଧ୍ୟ ମନ୍ ଭିତରେ ଚାଲିଛି । ପରୀକ୍ଷା ଫଳ କଣ ହେବ, ଭଲ ହେବ ନାହିଁ, ନିଜ ଆକଳନ ମୁତାବକ ଫଳ ଆସିବ ତ ଏଭଳି ଅନେକ ପ୍ରଶ୍ନ କୁ ନେଇ ପରୀକ୍ଷା ଫୋବିଆ ପରୀକ୍ଷାର୍ଥୀଙ୍କୁ ଅଭିଭାବକମାନଙ୍କୁ ମଧ୍ୟ ଚିନ୍ତାରେ ପକାଇଛି । କିଛି ପିଲା ପରୀକ୍ଷାରେ ଭଲ ମାର୍କ ନ ଆସିଲେ ଜୀବନ ହାରି ଦେଉଛନ୍ତି, କେହିକେହି ଘରୁ ପଲାଉଛନ୍ତି, ପୁଣି କେହି କେହି ଚରମ ପଦକ୍ଷେପ ନେବାକୁ ପଛାଉ ନାହାନ୍ତି । ସେପଟେ ଏ ଭଳି ଚିନ୍ତାରୁ ନିସ୍ତାର ବା ମୁକ୍ତି ପାଇବା ପାଇଁ ସିକ୍ଷାବିଦ ମାନେ ପ୍ରତିକ୍ରିୟା ରଖିଛନ୍ତି । ଶିକ୍ଷାବିତ୍ ତଥା ମାଧ୍ୟମିକ ଶିକ୍ଷା ପରିଷଦର ସଭାପତି ସତ୍ୟକାମ ମିଶ୍ର କହିଛନ୍ତି ଭୟ ରହିବା ସ୍ଵାଭାବିକ ।
ଏହାକୁ ନେଇ ଆଦୌ ବ୍ୟସ୍ତ ରହିବା ଭଲ ନୁହେଁ । ସେ କହିଛନ୍ତି ଆଜି କାଲି ଯେଉଁ ପ୍ରକାର ପରୀକ୍ଷା ହେଉଚି ପିଲା ମାନେ ନିଜ ଅନୁଯାୟୀ ରେଜଲ୍ଟ ହାସଲ କରିଛନ୍ତି । ତେବେ ଯଦି ପରୀକ୍ଷାରେ କମ ରହିଲା , ଖରାପ ହେଲା ପରୀକ୍ଷାର୍ଥୀମାନେ ଚିନ୍ତିତ ନହୋଇ ସେ ଇନଷ୍ଟାଣ୍ଟ ପରୀକ୍ଷା ଦେଇ ପାରୁଛନ୍ତି । ଯୁକ୍ତ ଦୁଇ କ୍ଲାସ ପୂର୍ବରୁ ରେଜଲ୍ଟ ବାହାରି ଯାଉଛି । ବ୍ୟସ୍ତ ହେବ ଦରକାର ନାହିଁ । ଯଦି ଗୋଟିଏ ପେପର ଫେଲ୍ ହୋଇଯାଇଛି ତାହାକୁ ନେଇ ମଧ୍ୟ ଗ୍ଲାନି ରହିବା ଉଚିତ୍ ନୁହେଁ। କାରଣ ପିଲାର ଯେତିକି ଜ୍ଞାନ ସେ ଏହି ଗୋଟିଏ ପରୀକ୍ଷା ଭିତରେ ସୀମିତ ନୁହେଁ । ପିଲା ଯଦି ଗୋଟିଏ ପରୀକ୍ଷାରେ ଝୁଣ୍ଟି ପଡ଼ିଲା , ସେଇଠି ରହିଯିବା ଉଚିତ୍ ନୁହେଁ । କାରଣ ଅନେକ ସମୟରେ ଅସଫଳତା ବି ଅନେକ ସମୟେ ସଫଳତା ବାଟ ଫିଟାଇ ଥାଏ । ପୁଣି ନୂଆ ଉତ୍ସାହ ସହିତ ଲାଗି ପଡ଼ି ଭଲ କରିବାକୁ ଚେଷ୍ଟା କରିବା ଜରୁରୀ ବୋଲି ଶିକ୍ଷାବିତମାନେ କହିଛନ୍ତି । ଅଧିକ ଭାବପ୍ରବଣ ହେବା ଉଚିତ୍ ନୁହେଁ,ଏହାକୁ ଅଭିଭାବକମାନେ ଦେଖିବା ଦରକାର । ପିଲା ଯଦି ଖରାପ କରନ୍ତି ତାକୁ ଗାଳିଗୁଲଜ ନକରି ତାକୁ ବୁଝାଇବା ଦରକାର ନୂଆ ପ୍ରେରଣା ଦେବା ଦରକାର । ସମାଜ କିମ୍ବା ଲୋକ ଅବା ଅଭିଭାବକ ପିଲାମାନଙ୍କ ଭିତରେ ଉତ୍ସାହ ସୃଷ୍ଟି କରିବା ଦରକାର ।
ଅଭିଭାବକମାନେ ଚାପ ନ ପକାଇ ପିଲାଙ୍କୁ ଅନ୍ୟ ପିଲାଙ୍କ ସହ ତୁଳନା ନକରିବା ଭଲ । ପରୀକ୍ଷାକୁ ଉତ୍ସବ ଭଳି ଦେଖିବା ଦରକାର । ପରୀକ୍ଷାକୁ ଗୋଟିଏ ପର୍ବ ଭାବିବା ଦରକାର, ମାତ୍ର ଏମିତି ହୋଇଚି ଯେ ପରୀକ୍ଷା ଫୋବିଆ ବା ପରୀକ୍ଷାକୁ ନେଇ ଏକପ୍ରକାର ଭୟ ହୋଇଯାଇଛି । ପିଲାମାନଙ୍କ ଅପେକ୍ଷା ଅଭିଭାବକମାନେ ବେଶି ସାବଧାନ ହେବା ଦରକାର । ସେହିପରି ପ୍ରଥମଥର ପାଇଁ ଦୁଇଟି ଭାଷାରେ ସାର୍ଟିଫିକେଟ୍ ଆସିବା ଭଲ କଥା ବୋଲି ଶିକ୍ଷାବିତ୍ ସତ୍ୟକାମ ମିଶ୍ର କହିଛନ୍ତି । ସେପଟେ ପରୀକ୍ଷାଥୀମାନେ ରେଜଲ୍ଟକୁ ନେଇ ଆଶା ଆଉ ଆଶଙ୍କା ଭିତରେ ।
ଚର୍ଚ୍ଚା news
