ରାୟଗଡ଼ା : ରାୟଗଡ଼ା ଜିଲ୍ଲା ରାଜସ୍ବ ଅମଲା ସଂଘ ତରଫରୁ ୧୦ ଦଫା ଦାବି ପୂରଣ ନେଇ ଆରମ୍ଭ ହୋଇଥିବା କାର୍ଯ୍ୟବନ୍ଦ ଆନ୍ଦୋଳନ ଆଜି ଦ୍ବିତୀଯ ଦିନରେ ପହଞ୍ଚିଛି । ରାଜ୍ୟ ରାଜସ୍ବ ଅମଲା ସଂଘର ନିର୍ଦେଶକ୍ରମେ ଗୁଣପୁର ଉପଖଣ୍ଡର ଅମଲା ସଂଘର ସଦସ୍ୟ ସଦସ୍ୟା ମାନେ କାର୍ଯ୍ୟବନ୍ଦ ଆନ୍ଦୋଳନକୁ ଜାରି ରଖିଛନ୍ତି । ଗୁଣପୁର ଉପଜିଲ୍ଲାପାଳଙ୍କ କାର୍ଯ୍ୟଳୟ ସମୁଖରେ ଅମଲା ସଂଘ ର କର୍ମକର୍ତାମାନେ ଶାନ୍ତିପୂର୍ଣ ଭାବେ ଧାରଣା ଦେବାରୁ ସରକାରୀ କାର୍ଜ ଏକ ପ୍ରକାର ଠପ ହୋଇଯାଇଛି । ୧୦ ଦଫା ଦାବି ପୂରଣ କରିବା ନିମନ୍ତେ ରାଜ୍ୟ ସରକାରଙ୍କୁ ବାରମ୍ବାର ନିବେଦନ କରିବା ପରେ ରାଜସ୍ବ ମନ୍ତ୍ରୀ ଅଧକ୍ଷ୍ୟତାରେ ଆଲୋଚନା , ବିଭିନ୍ନ ସମୟରେ ପ୍ରତିଶୃତି ଦିଆ ଯାଇଥିଲେ ବି ଅମଲା ସଂଘର ଦାବି ଗୁଡାକ ପୂରଣ କରା ଯାଇନାହି । ଫଳରେ ବାଧ୍ୟ ହୋଇ ସଂଘ ପକ୍ଷରୁ ଆନ୍ଦୋଳନ କରାଯାଇଛି ବୋଲି ଅମଲା ସଂଘ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି ।
ପ୍ରକାଶ ଥାଉ କି ଅମଲାମାନଙ୍କ ଚାକିରି ପ୍ରବେଶ ମୂଳ ଦରମା ଲେବୁଲ ୯ ଅନୁଯାୟୀ ପ୍ରଦାନ , ରାଜସ୍ବ ଅମଲା ମାନଙ୍କ କ୍ୟାଡ଼ର ଗଠନ , ପ୍ରତି ଅମଲା ପରିବାରର ସଦସ୍ୟଙ୍କୁ ସ୍ବାସ୍ଥ୍ୟ ବୀମା ପ୍ରଦାନ , ୨୦୨୦ ପୂର୍ବରୁ ଥିବା ନିୟମ ଅନୁସାରେ ପୁନଃ ଥଇଥାନ ନିୟମ ଲାଗୁ କରିବା , ପୁରୁଣା ପେନସେନ ଲାଗୁ କରିବା ଇତ୍ୟାଦି ପୂର୍ବରୁ ବହୁବାର କରାଯାଇଛି । ଯେଉଁଦିନ ପର୍ଜନ୍ତ ସରକାର ତାଙ୍କର ଦାବି ପୂରଣ ହେବା ଦିଗରେ ଆବଶ୍ୟକ ପଦକ୍ଷେପ ଗ୍ରହଣ ନ କରନ୍ତି ସେହି ଦିନ ପର୍ଜନ୍ତ କାର୍ଜବନ୍ଦ ଆନ୍ଦୋଳନ ଜାରି ରହିବ ବୋଲି ଜିଲ୍ଲା ରାଜସ୍ବ ଅମଲା ସଂଘ ସମ୍ପାଦକ ଅଜୟ କୁମାର ନାହକ ପ୍ରକାଶ କରିଛନ୍ତି । ଓଡ଼ିଶା ରାଜସ୍ୱ ଅମଳ ସଂଘ ଦାବି ଗୁଡ଼ିକ ହେଲା 1.ଜିଲ୍ଲା ସ୍ତରରେ କାର୍ଯ୍ୟରତ ରେଭେନ୍ୟୁ ମନ୍ତ୍ରଣାଳୟୀୟ କର୍ମଚାରୀଙ୍କର ପ୍ରାରମ୍ଭିକ ବେତନକୁ ORSP-2017 ନିୟମ ଅନୁସାରେ Level-9 କୁ ବୃଦ୍ଧି କରିବାକୁ ପଡିବ।2.ପତ୍ର ସଂଖ୍ୟା 8898/Gen ତା. 15.3.2024 ଗା.ଏ.ଏ. ଏବଂ ପି.ଜି. ବିଭାଗ ଅନୁସାରେ ଏବଂ ସମସ୍ତ ଜିଲ୍ଲାପାଳଙ୍କ ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ, ନୂଆ ପୋଷ୍ଟ ସୃଷ୍ଟି କରାଯିବା ସହିତ ସେହିଅନୁସାରେ କାଡର୍ ପୁନଃଗଠନ କରିବାକୁ ପଡିବ।
3.ସମସ୍ତ ରାଜ୍ୟ ସରକାରୀ କର୍ମଚାରୀଙ୍କ ପାଇଁ 20 ଲକ୍ଷ ଟଙ୍କାର ଜୀବନ ବୀମା କରାଯିବାକୁ ପଡିବ, ଯେପରିକି କେନ୍ଦ୍ର ସରକାର ସମସ୍ତ ଭାରତ ସେବାର କର୍ମଚାରୀଙ୍କୁ ଦେଇଛନ୍ତି। 4.2020 ରେ ପ୍ରବଳିତ ପୁନର୍ବାସନ ଯୋଜନାର ନିୟମଗୁଡ଼ିକୁ ସମ୍ପୂର୍ଣ୍ଣ ଭାବରେ ବିଲୋପ କରିବାକୁ ପଡିବ ଏବଂ 1990 ରେ ପ୍ରବଳିତ ନିୟମ ଅନୁଯାୟୀ ମୃତ ସରକାରୀ କର୍ମଚାରୀଙ୍କ ପରିବାର ସଦସ୍ୟଙ୍କୁ ପୁରାପୁରି ମେରିଟ୍ ଆଧାରରେ ସରକାରୀ ଚାକିରି ଦେବାକୁ ପଡିବ।5.ଜିଲ୍ଲା କାଡର୍ ରେଭେନ୍ୟୁ କର୍ମଚାରୀଙ୍କୁ ଓଡ଼ିଶା ରେଭେନ୍ୟୁ ସେବାରେ 100% ପ୍ରୋମୋସନ ଦିଆଯିବାକୁ ପଡିବ । 6.ନୂଆ ପେନ୍ସନ ଯୋଜନାକୁ ବିଲୋପ କରିବାକୁ ପଡିବ ଏବଂ ସମସ୍ତ ସରକାରୀ କର୍ମଚାରୀଙ୍କୁ ପୁରୁଣା ପେନ୍ସନ ଯୋଜନାରେ ଅନ୍ତର୍ଭୁକ୍ତ କରିବାକୁ ପଡିବ।
7.ଜୁନିୟର୍ ଅସିଷ୍ଟାଣ୍ଟରୁ ସିନିୟର୍ ଅସିଷ୍ଟାଣ୍ଟ ପଦୋନ୍ନତି ପାଇଁ ଆବଶ୍ୟକ ସେବା ଅବଧିକୁ 4 ବର୍ଷରେ ନିର୍ଦ୍ଧାରଣ କରିବାକୁ ପଡିବ, ଯାହାଦ୍ୱାରା ପ୍ରୋମୋସନାଲ୍ ସଂରଚନା ପିରାମିଡ୍ ଭାବରେ ରହିବ।8.ସେକ୍ସନ୍ ଅଫିସର୍ ପଦକୁ ପ୍ରୋମୋସନ ସମ୍ବନ୍ଧରେ, ସିନିୟର୍ ଅସିଷ୍ଟାଣ୍ଟ ଏବଂ ASO ଭାବରେ ମୋଟ 4 ବର୍ଷ ସେବା ଅବଧିକୁ ନିର୍ଦ୍ଧାରଣ କରିବାକୁ ପଡିବ।9.ତହସିଲ୍ କାର୍ଯ୍ୟାଳୟରେ କାର୍ଯ୍ୟରତ ମନ୍ତ୍ରଣାଳୟୀୟ କର୍ମଚାରୀଙ୍କ ପାଇଁ ବିଭିନ୍ନ ରେଭେନ୍ୟୁ ମାମଲା ସମାଧାନ ପାଇଁ User ID ସୃଷ୍ଟି କରିବାକୁ ପଡିବ।10. ନୂତନଭାବେ ନିଯୁକ୍ତ ଜିଲ୍ଲା ରେଭେନ୍ୟୁ ମନ୍ତ୍ରଣାଳୟୀୟ କର୍ମଚାରୀଙ୍କ ପାଇଁ ସ୍କିଲ୍ ବୃଦ୍ଧି ପାଇଁ Induction Training କରାଯିବାକୁ ପଡିବ
