ପି.ଏମ.ଶ୍ରୀ ବିଦ୍ୟାଳୟ ବାର୍ଷିକ ଉତ୍ସବ

ନବରଙ୍ଗପୁର /ଶ୍ରୀକାନ୍ତ ନନ୍ଦ: ନବରଙ୍ଗପୁର ବ୍ଲକ ଅନ୍ତର୍ଗତ ବଡକୁମୁଲି ପି.ଏମ.ଶ୍ରୀ ଉଚ୍ଚମାଧ୍ୟମିକ ବିଦ୍ୟାଳୟରେ ବିଦ୍ୟାଳୟ ସ୍ତରୀୟ ପ୍ରଥମ ପି.ଏମ.ଶ୍ରୀ ବାର୍ଷିକ ଉତ୍ସବ ଭବ୍ୟ ଭାବରେ ଅନୁଷ୍ଠିତ ହୋଇଯାଇଛି।
ଏହି ଅବସରରେ ମୁଖ୍ୟ ଅତିଥି ଭାବେ ବିଧାୟକ ଶ୍ରୀ ଗୌରିଶଙ୍କର ମାଝୀ ଯୋଗଦେଇ ଶିକ୍ଷାର ଗୁଣାତ୍ମକ ଉନ୍ନତି ଓ ପି.ଏମ.ଶ୍ରୀ ଯୋଜନାର ଗୁରୁତ୍ୱ ସମ୍ପର୍କରେ ଆଲୋକପାତ କରିଥିଲେ।
ସାଂସଦ ପ୍ରତିନିଧି ଶ୍ରୀ ଜ୍ୟୋତି ରଞ୍ଜନ କଂସ, ବରିଷ୍ଠ କଳାକାର ଶ୍ରୀ ଦେବଦାସ ମହାଙ୍କୁଡ଼, ବାଘ ସିଉନି ସରପଞ୍ଚ ଓ ବଡ଼କୁମୁଲି ସରପଞ୍ଚ ମଧ୍ୟ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ପ୍ରେରଣା ଦେଇଥିଲେ।
ଉତ୍ସବରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ, ନୃତ୍ୟ ଓ ସଙ୍ଗୀତ ପରିବେଷଣ କରାଯାଇ ସମସ୍ତଙ୍କ ମନୋରଞ୍ଜନ କରିଥିଲା। ଶିକ୍ଷକ, ଅଭିଭାବକ ଓ ସ୍ଥାନୀୟ ଲୋକମାନଙ୍କର ଉପସ୍ଥିତି ଉତ୍ସବକୁ ଆହୁରି ସଫଳ କରିଥିଲା।
ନବରଙ୍ଗପର ଜିଲ୍ଲା ଉମରକୋଟ ରୁ ଶ୍ରୀକାନ୍ତ ନନ୍ଦ ଙ୍କ ରିପୋର୍ଟ