ଟ୍ରମ୍ପ କହିଲେ ପ୍ରଧାନମନ୍ତ୍ରୀ ମୋଦୀ ଓ ମୁଁ ସମସ୍ୟାର ସମାଧାନ କରିପାରୁ ।
BY-SUBHASMITA -March 27, 2026,
ଭୁବେନେଶ୍ଵର :: March 27, 2026, :: ଇରାନ ସହିତ ଭୀଷଣ ଯୁଦ୍ଧ ଚାଲିଥିବା ସମୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ସେ ଯେକୌଣସି ସମସ୍ୟାର ସମାଧାନ କରିପାରିବେ। ତେବେ ଟ୍ରମ୍ପ ଏହା କେଉଁ ପରିପ୍ରେକ୍ଷୀରେ କହିଛନ୍ତି ତାହା ସ୍ପଷ୍ଟ କରିନାହାନ୍ତି। ମଧ୍ୟପ୍ରାଚ୍ୟ ଯୁଦ୍ଧ ମଧ୍ୟରେ ତୈଳ ସଙ୍କଟ ଦେଖାଦେଇଥିବାବେଳେ ଏହାର ମୁକାବିଲା ପ୍ରସଙ୍ଗରେ କହିଥାଇପାରନ୍ତି ବୋଲି ଚର୍ଚ୍ଚା ହେଉଛି |
ଭାରତ ସ୍ଥିତ ଆମେରିକା ଦୂତାବାସ ଟ୍ରମ୍ପଙ୍କ ବାର୍ତ୍ତା ଜାରି କରିଥିବାବେଳେ ଏଥିରେ କୁହାଯାଇଛି ଯେ, ଭାରତ ସହିତ ଆମର ପୁରୁଣା ସମ୍ପର୍କ ଆହୁରି ପ୍ରଗାଢ ହେବ ବୋଲି ଟ୍ରମ୍ପ ତାଙ୍କ ବାର୍ତ୍ତାରେ କହିଛନ୍ତି । ସୂଚନାଯୋଗ୍ୟ, ମଙ୍ଗଳବାର ପ୍ରଧାନମନ୍ତ୍ରୀ ମୋଦୀ ଓ ଟ୍ରମ୍ପ ଟେଲିଫୋନ୍ ମାଧ୍ୟମରେ କଥାବାର୍ତ୍ତା କରିଥିଲେ। ଇରାନ ସହିତ ଯୁଦ୍ଧ ଆରମ୍ଭ ହେବା ପରେ ମୋଦୀ ପ୍ରଥମ ଥର ଟ୍ରମ୍ପଙ୍କ ସହିତ କଥା ହୋଇଥିଲେ। ଭାରତ ଶାନ୍ତି ପ୍ରତିଷ୍ଠା ପକ୍ଷରେ ଅଛି ଓ ବିଶ୍ବ ପାଇଁ ଏହା ଜରୁରୀ ବୋଲି ମୋଦୀ କହିଥିଲେ। ସେହିପରି ହର୍ମୁଜ ପ୍ରଣାଳୀ ଖୋଲା ରଖାଯିବା ଉପରେ ମୋଦୀ ଗୁରୁତ୍ବ ଦେଇଥିଲେ।
ଚର୍ଚ୍ଚା NEWS
