ସାମ୍ବାଦିକ ରାଜୀବ କୁମାର ବେହେରା
ତାରିଖ – ୦୮-୦୩-୨୦୨୬
ଉଦଳା : ପୁଣି ଉଦଳା ଅଞ୍ଚଳରେ ଚlଞ୍ଚଲ୍ୟକର ଘଟଣା, ବେପରୁଆ ବାଇକ ଚାଳକଙ୍କ ଗାଡି ଚାଳନା ଆଉ ଏକ ନିରହ ଜୀବନ ଗଲା । ଉଦଳା ମେଣ୍ଢାଖାଇ ରାହସ ନିକଟରେ ଦୁର୍ଘଟଣା ରେ ଜଣକ ଜୀବନ ଯାଇଥିବା ଘଟଣା ସାମ୍ନାକୁ ଆସିଛି,ପଡ଼ିଆରଙ୍ଗ ପର୍ବ ରେ କୁକୁର୍ଡିମା ରାସ୍ତାରେ ରକ୍ତର ସୁଅ ଛୁଟି ଥିଲା , ଆଉ ବାଇକ ବାଇକ ଦୁର୍ଘଟଣା ରେ ଜଣେ ଯୁବକଙ୍କ ଜୀବନ ଯାଇଥିଲା, ସେହିଭଳି ସ୍ପଷ୍ଟ ଦିବାଲୋକରେ ଭୀମତାଳି ନିକଟରେ ଦୁର୍ଘଟଣା ରେ ଜଣକ ଜୀବନ ଯାଇଥିଲା l ବେପରୁଆ ଏବଂ ମଦ୍ୟ ପାନ ରେ ବାଇକ ଚଲାଇ ଲୋକଙ୍କ ଜୀବନ ସହ ଖେଳ କରୁଛନ୍ତି କିଛି ଅମାନିଆ ଯୁବକ। ଦୁଃଖର କଥା ହେଉଛି, ଗୋଟିଏ ସପ୍ତାହ ମଧ୍ୟରେ ତିନି ତିନିଟି ଜୀବନ ବେପରୁଆ ବାଇକ ଚାଳନାରେ ଜୀବନ ଯାଇଲାଣି, ତଥାପି ପ୍ରଶାସନର କଡା ପଦକ୍ଷେପ ଦେଖିବାକୁ ମିଳୁନାହିଁ। ତେବେ ଗତକାଲି ବିଳମ୍ବିତ ରାତ୍ର ସମୟରେ ଉଦଳା ହାଇସ୍କୁଲ ଛକ ନିକଟ ରାସ୍ତା ର ବ୍ୟାଙ୍କ ଅଫ ଇଣ୍ଡିଆ ସମ୍ମୁଖରେ ଭୟଙ୍କର ବାଇକ ଦୁର୍ଘଟଣା ଘଟିଥିଲା। ସାଇକେଲ କୁ ଧକ୍କା ଦେଲା ଦ୍ରୁତ ବାଇକ l ତେବେ ଦୁର୍ଘଟଣାରେ କୁଅଁରପାଳ ଗ୍ରାମର ୭୩ ବର୍ଷୀୟ ଶଚିନ୍ଦ୍ର ଦାସ ରାସ୍ତା ପାରି ହେଉଥିବା ବେଳେ ଓଡି-୧୧-ଏକେ-୨୯୨୭ ନମ୍ବର ହୋଣ୍ଡା ବାଇକ ତାଙ୍କୁ ଧକ୍କା ଦେଇଥିଲା।
ଗୁରୁତର ଅବସ୍ଥାରେ ସ୍ଥାନୀୟ ଲୋକେ ତାଙ୍କୁ ଉଦଳା ଡାକ୍ତରଖାନାକୁ ନେଇଥିଲେ। ପରେ ଅବସ୍ଥା ଗୁରୁତର ହେବାରୁ ବାରିପଦା ମେଡିକାଲକୁ ପଠାଯାଇଥିଲା, କିନ୍ତୁ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ଡବ୍ଲ୍ୟୁବି-୦୧-ଏଏଚ-୪୨୮୨ ନମ୍ବର ବାଇକ ସହ ମୁଁହାମୁଁହି ଧକ୍କା ହୋଇଥିଲା। ବାଇକ ଧକ୍କାରେ ସାଇକେଲ ଆରୋହୀ ଶକ୍ତ ଧକ୍କା ପାଇ ଛିଟିକି ପଡ଼ି ମୃତ୍ୟୁବରଣ କରିଥିଲେ। ବାଇକ ଚାଳକ ମଧ୍ୟ ଗୁରୁତର ହୋଇ କଟକକୁ ସ୍ଥାନାନର।ଗୋଟେ ପରେ ଗୋଟେ ଦୁର୍ଘଟଣା ଘଟୁଥିବା ପରେ ମଧ୍ୟ ବେପରୁଆ ଚାଳକଙ୍କ ଉପରେ ପୁଲିସ କଡା କାର୍ଯ୍ୟନୁଷ୍ଠାନ ନ ନେବାକୁ ନେଇ ସାଧାରଣ ଆଲୋଚନା lରାସ୍ତାରେ ବେପରୁଆ ଗତିରେ ବାଇକ ଚଲାଇବା, ହେଲମେଟ ନ ପିନ୍ଧିବା ଓ ଟ୍ରାଫିକ ନିୟମକୁ ଅଣଦେଖା କରିବା ଫଳରେ ନିର୍ଦୋଷ ଲୋକଙ୍କ ଜୀବନ ନଷ୍ଟ ହେଉଛି। ଏଭଳି ଅମାନିଆ ବାଇକ ଚାଳନାକୁ ରୋକିବା ପାଇଁ ପୁଲିସ ତୁରନ୍ତ କଡା ଚେକିଂ ଓ କଠୋର ପଦକ୍ଷେପ ନେବାକୁ ଉଦଳା ଅଞ୍ଚଳବାସୀ ଦୃଢ ଦାବି, ନହେଲେ ଆଗାମୀ ଦିନରେ ପରିସ୍ଥିତି ଶୋଚନୀୟ ହୋଇ ପଡିବ l
