ମୌସୁମୀ ଅଧିବେଶନର ମାତ୍ର ଚାରି ଦିନ ବାକି ଥିବାବେଳେ ମହିଳା ସଂରକ୍ଷଣ, ଡିଲିମିଟେସନ ଏବଂ ବିଦେଶୀ ଅର୍ଥ ସହାୟତା ସମ୍ବନ୍ଧୀୟ ମୁଖ୍ୟ ବିଲ୍ଗୁଡ଼ିକ ଉପରେ ଅନିଶ୍ଚିତତା ରହିଛି । ଲୋକସଭାରେ ଆଜି ଏଗୁଡ଼ିକ ମଧ୍ୟରୁ କୌଣସିଟ ବିଲ କାର୍ଯ୍ୟସୂଚୀରେ ନାହିଁ ।
ସଂସଦ ମୌସୁମୀ ଅଧିବେଶନ ସରିବାକୁ ଆଉ ମାତ୍ର ୪ ଦିନ ବାକି ଅଛି। ହେଲେ ଏପର୍ୟ୍ୟନ୍ତ ସଂସଦରେ ଆସିପାରିନି ମୁଖ୍ୟ ବିଲ୍ଗୁଡ଼ିକ । ମୌସୁମୀ ଅଧିବେଶନର ମାତ୍ର ଚାରି ଦିନ ବାକି ଥିବାବେଳେ ମହିଳା ସଂରକ୍ଷଣ, ଡିଲିମିଟେସନ ଏବଂ ବିଦେଶୀ ଅର୍ଥ ସହାୟତା ସମ୍ବନ୍ଧୀୟ ମୁଖ୍ୟ ବିଲ୍ଗୁଡ଼ିକ ଉପରେ ଅନିଶ୍ଚିତତା ରହିଛି । ଲୋକସଭାରେ ଆଜି ଏଗୁଡ଼ିକ ମଧ୍ୟରୁ କୌଣସିଟ ବିଲ କାର୍ୟ୍ୟସୂଚୀରେ ନାହିଁ। କଂଗ୍ରେସ ଏବଂ ବିରୋଧୀ କହିଛନ୍ତି ଯେ ସେମାନେ ସଂସଦରେ ଏହି ବିଲ୍ଗୁଡ଼ିକର ବିରୋଧ କରିବେ। ଗତ ଅଧିବେସନରେ, ୨୦୨୯ରେ ମହିଳାଙ୍କ ପାଇଁ ୩୩% ସଂରକ୍ଷଣ ଏବଂ ସଦନର ସଂଖ୍ୟା ବୃଦ୍ଧି କରିବା ପ୍ରସ୍ତାବ ଥିବା ବିଲ୍ ଏପ୍ରିଲରେ ଉପସ୍ଥାପିତ ହୋଇଥିଲା। କିନ୍ତୁ ସାମ୍ବିଧାନିକ ସଂଶୋଧନ ପାଇଁ ଦୁଇ-ତୃତୀୟାଂଶ ସମର୍ଥନ ମିଳିପାରିନଥିଲା ।
ଏଫସିଆରଏ ବିଲ୍ ଭାରତୀୟ ବେସରକାରୀ ସଂଗଠନ (ଏନଜିଓ)ଗୁଡ଼ିକୁ ମିଳୁଥିବା ବିଦେଶୀ ଅର୍ଥ ଉପରେ ନିୟନ୍ତ୍ରଣ କଡ଼ା କରିବାକୁ ଚାହେଁ। କଂଗ୍ରେସ ଏହି ବିଲ୍କୁ “ଅସାମ୍ବିଧାନିକ ଓ ଲୋକବିରୋଧୀ” ବୋଲି କହିଛି ଏବଂ ଅଭିଯୋଗ କରିଛି ଯେ ଏହା ସଂଖ୍ୟାଲଘୁମାନଙ୍କୁ ଲକ୍ଷ୍ୟ କରିଛି । ମୌସୁମୀ ଅଧିବେଶନ ଜୁଲାଇ ୨୦ରୁ ଆରମ୍ଭ ହୋଇଛି ଏବଂ ଅଗଷ୍ଟ ୧୩ ପର୍ୟ୍ୟନ୍ତ ଚାଲିବ।ନିଟ ଆନ୍ଦୋଳନକାରୀଙ୍କ ଉପରେ ପୋଲିସ କାର୍ୟ୍ୟାନୁଷ୍ଠାନକୁ ନେଇ ବିରୋଧୀ ଦଳମାନେ ବିରୋଧ କରୁଥିବାରୁ ଅଧିବେଶନ ଚାଲିପାରୁନାହିଁ । କେବଳ ପେପର ଲିକ ବିରୋଧୀ ବିଲ୍ ଉପରେ ଏକ ବିତର୍କ ହୋଇଥିଲା, ଯାହା ଉଭୟ ସଦନରେ ପାରିତ ହୋଇଛି । ଅନ୍ତିମ ସପ୍ତାହରେ ମୁକାବିଲା ପାଇଁ ବିଜେପି ଓ କଂଗ୍ରେସ ଉଭୟ ନିଜ ସାଂସଦମାନଙ୍କୁ ସଂସଦରେ ଉପସ୍ଥିତ ରହିବା ପାଇଁ ହ୍ୱିପ ଜାରି କରିଛନ୍ତି ।
ଚର୍ଚ୍ଚା tv
