ସେତେବେଳେ ଭାରତୀୟ ସେନା ନିଷ୍ପତ୍ତି ନେଇଥିଲା , ଏହାର ଜବାବ ଏମିତି ହେବ, ଯାହା ଶତ୍ରୁର ଆସନ୍ତା ସାତ ପିଢ଼ି ମନେ ରଖିବେ। ଜନ୍ମ ନେଲା ଏକ ଗୁପ୍ତ ଏବଂ ସାହସିକ ମିଶନ, ଯାହାର ନାମ ରଖାଗଲା ‘ଅପରେସନ୍ ସିନ୍ଦୂର’ । ସେନା ମୁଖ୍ୟାଳୟରେ ରାତି ତମାମ ରଣନୀତି ପ୍ରସ୍ତୁତ ହେଲା
କାଶ୍ମୀରର ପହଲଗାମ…ଯାହାକୁ ପୃଥିବୀର ସ୍ୱର୍ଗ ବୋଲି କୁହାଯାଏ । ଚାରିଆଡ଼େ ବରଫାବୃତ ପାହାଡ଼, ପାଇନ୍ ଜଙ୍ଗଲ ଏବଂ ଶାନ୍ତ ପରିବେଶ । କିନ୍ତୁ କିଏ ଜାଣିଥିଲା, ଏହି ସୌନ୍ଦର୍ଯ୍ୟ ଭିତରେ ଦିନେ ରକ୍ତର ହୋଲି ଖେଳାଯିବ? ସେହି ଦିନଟି ଥିଲା ଭାରତୀୟ ଇତିହାସର ଏକ କଳା ଅଧ୍ୟାୟ, ଯେତେବେଳେ ସୀମା ପାର୍ଶ୍ୱରୁ ଆସିଥିବା କାପୁରୁଷ ଆତଙ୍କବାଦୀମାନେ ନିରୀହ ପର୍ଯ୍ୟଟକଙ୍କ ଉପରେ ବର୍ବର ଆକ୍ରମଣ କରିଥିଲେ। ପହଲଗାମର ସେହି ପବିତ୍ର ମାଟି ପର୍ଯ୍ୟଟକଙ୍କ ରକ୍ତରେ ଭିଜି ଯାଇଥିଲା ।
ଏହି ଆକ୍ରମଣ କେବଳ କିଛି ସାଧାରଣ ଲୋକଙ୍କ ଉପରେ ନଥିଲା, ବରଂ ଏହା ଥିଲା ଭାରତର ଆସ୍ଥା ଏବଂ ସାର୍ବଭୌମତ୍ୱ ଉପରେ ଏକ ପ୍ରହାର । ସାରା ଦେଶରେ କ୍ରୋଧର ନିଆଁ ଜଳୁଥିଲା । ପ୍ରତ୍ୟେକ ଭାରତୀୟଙ୍କ ଆଖିରେ ଲୁହ ଥିଲା ଏବଂ ହୃଦୟରେ ଥିଲା ପ୍ରତିଶୋଧର ଜ୍ୱାଳା । ସେତେବେଳେ ଭାରତୀୟ ସେନା ନିଷ୍ପତ୍ତି ନେଇଥିଲା , ଏହାର ଜବାବ ଏମିତି ହେବ, ଯାହା ଶତ୍ରୁର ଆସନ୍ତା ସାତ ପିଢ଼ି ମନେ ରଖିବେ। ଜନ୍ମ ନେଲା ଏକ ଗୁପ୍ତ ଏବଂ ସାହସିକ ମିଶନ, ଯାହାର ନାମ ରଖାଗଲା ‘ଅପରେସନ୍ ସିନ୍ଦୂର’ । ସେନା ମୁଖ୍ୟାଳୟରେ ରାତି ତମାମ ରଣନୀତି ପ୍ରସ୍ତୁତ ହେଲା। ଭାରତୀୟ ଗୁପ୍ତଚର ସଂସ୍ଥାଗୁଡ଼ିକ ସଠିକ୍ ସୂଚନା ଦେଇଥିଲେ ଯେ, ଆକ୍ରମଣକାରୀ ଆତଙ୍କବାଦୀମାନେ ସୀମା ସେପଟେ ଥିବା କିଛି ନିର୍ଦ୍ଦିଷ୍ଟ ଲଞ୍ଚ ପ୍ୟାଡରେ ଆତ୍ମଗୋପନ କରିଛନ୍ତି। ସେମାନଙ୍କୁ ପାକିସ୍ତାନ ପ୍ରୟୋଜିତ ସେନା ସୁରକ୍ଷା ଯୋଗାଇ ଦେଉଥିଲା। କିନ୍ତୁ ଭାରତୀୟ ସ୍ପେଶାଲ୍ ଫୋର୍ସ ପାଇଁ କୌଣସି ବାଧା ବଡ଼ ନଥିଲା
ରାତିର ନିଶବ୍ଦ ପ୍ରହର। ଯେତେବେଳେ ଶତ୍ରୁ ପକ୍ଷ ଭାବିଥିଲା ଯେ ଭାରତ କେବଳ କାଗଜ କଲମରେ ନିନ୍ଦା କରି ଚୁପ୍ ବସିବ, ସେତିକି ବେଳେ ଆକାଶରୁ ନୁହେଁ ବରଂ ପାହାଡ଼ର କନ୍ଦର ଭିତରୁ ମୃତ୍ୟୁ ସାଜି ମାଡ଼ି ଆସିଲେ ଭାରତୀୟ ବୀର ଯବାନ । ଅତ୍ୟାଧୁନିକ ଅସ୍ତ୍ରଶସ୍ତ୍ର ଏବଂ ‘ଜୟ ହିନ୍ଦ’ର ନାରା ସହିତ ସେନା ଶତ୍ରୁ ଶିବିର ଉପରେ ଝାମ୍ପି ପଡ଼ିଥିଲେ। ଅଚାନକ ଆକ୍ରମଣରେ ଆତଙ୍କବାଦୀମାନେ ଜ୍ଞାନ ହରାଇ ବସିଲେ। ଗୋଟିଏ ପରେ ଗୋଟିଏ ଆତଙ୍କବାଦୀ ଆଡ୍ଡାକୁ ଉଡ଼ାଇ ଦିଆଗଲା । ବାରୁଦର ଗନ୍ଧରେ ସାରା ଅଞ୍ଚଳ ଫାଟି ପଡ଼ୁଥିଲା। ‘ଅପରେସନ୍ ସିନ୍ଦୂର’ ମାଧ୍ୟମରେ ସେନା ଶତ୍ରୁକୁ ତାରି ଘରେ ପଶି ଶିକ୍ଷା ଦେଇଥିଲା ।
ଏହି ଅପରେସନରେ ଶତାଧିକ ଆତଙ୍କବାଦୀ ନିହତ ହୋଇଥିଲେ। ଭାରତୀୟ ସେନା ପ୍ରମାଣ କରିଦେଇଥିଲା ଯେ, “ନୂଆ ଭାରତ” ଆଉ ଦୁର୍ବଳ ନୁହେଁ । ଏହା ଶାନ୍ତି ଚାହେ, କିନ୍ତୁ ଯଦି କେହି ଏହି ଶାନ୍ତି ଭଙ୍ଗ କରେ, ତେବେ ସେନା ତାର ସଂହାର କରିବାକୁ ପଛାଇବ ନାହିଁ । ପହଲଗାମର ଶହୀଦମାନଙ୍କ ଆତ୍ମାକୁ ସେଦିନ ପ୍ରକୃତ ଶାନ୍ତି ମିଳିଥିଲା । ‘ଅପରେସନ୍ ସିନ୍ଦୂର’ କେବଳ ଏକ ସାମରିକ ବିଜୟ ନଥିଲା, ଏହା ଥିଲା ୧୪୦ କୋଟି ଭାରତୀୟଙ୍କ ସ୍ୱାଭିମାନର ବିଜୟ । ଆଜି ବି ଯେତେବେଳେ କେହି ପହଲଗାମର ସେହି ଘଟଣାକୁ ମନେ ପକାଏ, ତା’ ସହିତ ଭାରତୀୟ ସେନାର ଏହି ସାହସିକତା ତା’ର ରକ୍ତକୁ ଗରମ କରିଦିଏ । ଏହି ଗୌରବ ଗାଥା ଆମକୁ ଶିଖାଏ ଯେ, ଦେଶର ସୁରକ୍ଷା ପାଇଁ ଆମର ଯବାନମାନେ ସର୍ବଦା ଜାଗ୍ରତ ଏବଂ ଯେକୌଣସି ପରିସ୍ଥିତିର ମୁକାବଲା କରିବାକୁ ସକ୍ଷମ । ଭାରତୀୟ ସେନାର ଏହି ଅଦମ୍ୟ ସାହସକୁ କୋଟି କୋଟି ପ୍ରଣାମ
ଚର୍ଚ୍ଚା news।
