ଚଳିତ ବର୍ଷ ଡିସେମ୍ବର ୨୪ ତାରିଖରେ ଐତିହାସିକ ବାରବାଟୀ ଷ୍ଟାଡିୟମ୍ରେ ଭାରତ-ଶ୍ରୀଲଙ୍କା ମଧ୍ୟରେ ଟ୍ବେଣ୍ଟି-୨୦ ମ୍ୟାଚ୍ ଖେଳାଯିବା । ବିସିସିଆଇର ଘୋଷଣା ପରେ ସାରା ଓଡ଼ିଶାରେ ଖୁସିର ଲହରି ଖେଳିଯାଇଛି ।
BY-SHUBHASMITA -March 26, 2026,
ଭୁବେନଶ୍ୱର :: March 26, 2026:: ଫୁଣି କ୍ରୀଡା ପ୍ରେମୀ ମାନଙ୍କ ପାଇଁ ଆସିଲା ଖୁସିର ଖବର |ଠିକ୍ ବର୍ଷକ ପରେ କଟକସ୍ଥିତ ଐତିହାସିକ ବାରବାଟୀ ଷ୍ଟାଡିୟମ୍ରେ ଖେଳାଯିବ ଅନ୍ତର୍ଜାତୀୟ ଟ୍ବେଣ୍ଟି-୨୦ ମ୍ୟାଚ୍ । ଗତ ବର୍ଷ ଫେବ୍ରୁଆରି ୯ରେ ଦିନିକିଆ ମ୍ୟାଚ୍ (ଭାରତ-ଇଂଲଣ୍ଡ) ଓ ଡିସେମ୍ବର ୯ରେ ଟ୍ବେଣ୍ଟି-୨୦ (ଭାରତ-ଦକ୍ଷିଣ ଆଫ୍ରିକା) ମ୍ୟାଚ୍ ଖେଳାଯାଇଥିଲା ଏହି ପଡ଼ିଆରେ । ଏହି ଦୁଇଟି ଯାକ ମ୍ୟାଚ୍ ମଧ୍ୟ ଭାରତ ଜିତିଥିଲା । ଚଳିତ ବର୍ଷ ଡିସେମ୍ବର ୨୪ ତାରିଖରେ ଏଠାରେ ଭାରତ-ଶ୍ରୀଲଙ୍କା ମଧ୍ୟରେ ଟ୍ବେଣ୍ଟି-୨୦ ମ୍ୟାଚ୍ ଖେଳାଯିବା । ବିସିସିଆଇର ଘୋଷଣା ପରେ ସାରା ଓଡ଼ିଶାରେ ଖୁସିର ଲହରି ଖେଳିଯାଇଛି ।
ମ୍ୟାଚ୍ ଆୟୋଜନ ନେଇ ଆମେ ଉତ୍ସାହିତ । ଦୁଇ ବର୍ଷ ମଧ୍ୟରେ ୩ଟି ମ୍ୟାଚ୍ ହେବା ଏକ ରେକର୍ଡ । ଏଥିଲାଗି ଆମେ ବିସିସିଆଇକୁ ଧନ୍ୟବାଦ ଦେଉଛୁ । ଗତ ୧୫ ତାରିଖରେ ବିସିସିଆଇର ନମନ କାର୍ଯ୍ୟକ୍ରମ ଅବସରରେ ବିସିସିଆଇ ଅଧ୍ୟକ୍ଷ ଦେବଜିତ ସାଇକିଆଙ୍କ ସହ ଓଡ଼ିଶା କ୍ରିକେଟ୍ ସଂଘ (ଓସିଏ) ସମ୍ପାଦକ ସଂଜୟ ବେହେରା ଆଲୋଚନା ବେଳେ ବାରବାଟୀକୁ ଆଉ ଏକ ଅନ୍ତର୍ଜାତୀୟ ମ୍ୟାଚ୍ ଦେବାକୁ ଅନୁରୋଧ କରିଥିଲେ । ଗତ ବର୍ଷ ଓସିଏ ଦୁଇଟି ଅନ୍ତର୍ଜାତୀୟ ମ୍ୟାଚ୍ ସଫଳତା ସହ ଆୟୋଜନ କରିଥିବାରୁ ଆଉ ଏକ ଅନ୍ତର୍ଜାତୀୟ ମ୍ୟାଚ୍ ଆୟୋଜନ ଲାଗି ସକ୍ଷମ ବୋଲି ଜଣାଇଥିଲେ । ଶ୍ରୀ ବେହେରାଙ୍କ ଅନୁରୋଧ ରକ୍ଷା କରି ବିସିସିଆଇ ଶ୍ରୀଲଙ୍କା ବିପକ୍ଷ ୩ ମ୍ୟାଚ୍ ବିଶିଷ୍ଟ ଟ୍ବେଣ୍ଟି-୨୦ ଶୃଙ୍ଖଳାର ଦ୍ବିତୀୟ ମ୍ୟାଚ୍ ଆୟୋଜନ ଅଧିକାର ପ୍ରଦାନ କରିଛି ବୋଲି ଗୁରୁବାର ଏକ ସାମ୍ବାଦିକ ସମ୍ମିଳନୀରେ ଓସିଏ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସୁବ୍ରତ ବେହେରା କହିଛନ୍ତି । ଏହି ଅବସରରେ ସହଯୋଗ ଲାଗି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଓସିଏ ପକ୍ଷରୁ ଶ୍ରୀ ବେହେରା ଧନ୍ୟବାଦ ଦେଇଥିଲେ । ସାମ୍ବାଦିକ ସମ୍ମିଳନୀରେ ଓସିଏ କୋଷାଧ୍ୟକ୍ଷ ବିକାଶ ପ୍ରଧାନ ଉପସ୍ଥିତ ଥିଲେ ।
ବାରବାଟୀ ଷ୍ଟାଡିୟମ୍ରେ ଏପର୍ଯ୍ୟନ୍ତ ୨୯ ମ୍ୟାଚ୍ ଖେଳାଯାଇଛି । ଏଥିରେ ୨୩ ଦିନିକିଆ, ୨ ଟେଷ୍ଟ୍ ଓ ୪ ଟ୍ବେଣ୍ଟି-୨୦ ମ୍ୟାଚ୍ ରହିଛି । ଡିସେମ୍ବର ୨୪ ତାରିଖରେ ବାରବାଟୀରେ ପଞ୍ଚମ ଟ୍ବେଣ୍ଟି-୨୦ ମ୍ୟାଚ୍ ଖେଳାଯିବ ।
ଚର୍ଚ୍ଚା NEWS
