ବାଂଲାଦେଶ ସରକାର ପ୍ରମୁଖ ଦେଶମାନଙ୍କ ସହିତ ଏକ ସନ୍ତୁଳିତ ବୈଦେଶିକ ନୀତି ଆପେଣେଇବା ପାଇଁ ସୂଚିତ କରିଛି।
ବାଂଲାଦେଶ ସରକାର ପ୍ରମୁଖ ଦେଶମାନଙ୍କ ସହିତ ଏକ ସନ୍ତୁଳିତ ବୈଦେଶିକ ନୀତି ଆପେଣେଇବା ପାଇଁ ସୂଚିତ କରିଛି। ବିଶେଷକରି,ବାଂଳାଦେଶ କହିଛି ଯେ ଦୁଇ ପ୍ରମୁଖ ପଡ଼ୋଶୀ ଶକ୍ତି ଚୀନ୍ ଏବଂ ଭାରତ ମଧ୍ୟରୁ କୌଣସିଟି ଆଡ଼କୁ ଢଳିବ ନାହିଁ । ବାଂଲାଦେଶ ପ୍ରଧାନମନ୍ତ୍ରୀ ତାରିକ ରହମାନଙ୍କ ବୈଦେଶିକ ବ୍ୟାପାର ପରାମର୍ଶଦାତା ହୁମାୟୁନ୍ କବୀର କହିଛନ୍ତି ଯେ,ତାରିକ ରହମାନଙ୍କ ସରକାର ‘ବାଂଲାଦେଶ ପ୍ରଥମ’ ବୈଦେଶିକ ନୀତି ଅନୁସରଣ କରୁଛନ୍ତି । ସରକାରଙ୍କ ବୈଦେଶିକ ନୀତିର ଆଭିମୁଖ୍ୟ ବାସ୍ତବିକ ସ୍ଥିତି, ସନ୍ତୁଳନ ଏବଂ ଜାତୀୟ ସ୍ୱାର୍ଥ ଉପରେ କେନ୍ଦ୍ରିତ। ସରକାର ପ୍ରମୁଖ ବିଶ୍ୱ ଶକ୍ତି ସହିତ ଗଠନମୂଳକ ସମ୍ପର୍କ ବଜାୟ ରଖିବେ। ଏହା ବିଚ୍ଛିନ୍ନତାବାଦ ନୁହେଁ ବରଂ ବାଂଲାଦେଶର ସାର୍ବଭୌମତ୍ୱ, ବିକାଶ ଏବଂ ଜାତୀୟ ସ୍ୱାର୍ଥକୁ ପ୍ରାଥମିକତା ଦେବ। ଏହାକୁ ନେଇ ବାଂଲାଦେଶକୁ ଭିନ୍ନ ଦୃଷ୍ଟିରେ ଦେଖାଯିବା ଉଚିତ୍ ନୁହେଁ। ବୈଦେଶିକ ନୀତି କେବଳ ଆଦର୍ଶବାଦୀ ସ୍ଲୋଗାନ ଉପରେ ଆଧାରିତ ହୋଇପାରିବ ନାହିଁ। ଭାରତ ଏବଂ ଚୀନ୍ ସହିତ ସମ୍ପର୍କ ନେଇ ସେ କହିଛନ୍ତି, ବାଂଲାଦେଶ ଏହାର ଜାତୀୟ ସ୍ୱାର୍ଥକୁ ସୁରକ୍ଷା ଦେବା ସହିତ ଉଭୟ ଦେଶ ସହିତ ସନ୍ତୁଳିତ ସମ୍ପର୍କ ବଜାୟ ରଖିବ। ବାଂଲାଦେଶ ନିରପେକ୍ଷ ଖେଳ ସୁନିଶ୍ଚିତ କରିବା ପାଇଁ ଚୀନ୍ ଏବଂ ଭାରତ ମଧ୍ୟରେ ରେଫରି ଭୂମିକା ଗ୍ରହଣ କରିପାରିବ କିନ୍ତୁ ଫୁଟବଲ୍ ହେବ ନାହିଁ। ଆମେ ଏହି ଅଞ୍ଚଳରେ ଏକ ବଡ଼ ଭୂମିକା ଗ୍ରହଣ କରିବୁ। ସରକାର କୌଣସି ଏକ ଦେଶ ଉପରେ ନିର୍ଭରଶୀଳତା ଏଡାଇବେ ନାହିଁ। ସରକାର ଏକ ନମନୀୟ ଏବଂ ବହୁମୁଖୀ କୂଟନୈତିକ ଆଭିମୁଖ୍ୟ ଗ୍ରହଣ କରିବେ। ସେ ଗୁରୁତ୍ୱାରୋପ କରିଛନ୍ତି ଯେ, ବାଂଲାଦେଶ ଭାରତ ଏବଂ ଅନ୍ୟ ସମସ୍ତ ପ୍ରମୁଖ ଶକ୍ତିଙ୍କ ସହିତ ସନ୍ତୁଳିତ ସମ୍ପର୍କ ବଜାୟ ରଖିବ, ତାହା ୱାଶିଂଟନ୍, ବେଜିଂ କିମ୍ବା ନୂଆଦିଲ୍ଲୀ ହେଉ।କବୀର ଚୀନ୍କୁ ବାଂଲାଦେଶ ପାଇଁ ଏକ ଗୁରୁତ୍ୱପୂର୍ଣ୍ଣ ବିକାଶ ଅଂଶୀଦାର ଭାବରେ ବର୍ଣ୍ଣନା କରି କହିଛନ୍ତି, ତାଙ୍କର ସାମ୍ପ୍ରତିକ ବେଜିଂ ଗସ୍ତ ସକାରାତ୍ମକ ଥିଲା। ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ର ସମ୍ପର୍କରେ, କବୀର କହିଛନ୍ତି ଯେ ବାଂଲାଦେଶ ଏକ ଅନ୍ତର୍ଭୁକ୍ତିକରଣ, ଖୋଲା ଏବଂ ସହଯୋଗୀ ଆଞ୍ଚଳିକ ଢାଞ୍ଚାକୁ ସମର୍ଥନ କରେ। ଆମେ କୌଣସି ପ୍ରତିଦ୍ୱନ୍ଦ୍ୱିତାରେ ପକ୍ଷ ନେବୁ ନାହିଁ,କିନ୍ତୁ ଆମେ ବାଣିଜ୍ୟ, ସଂଯୋଗୀକରଣ, ସାମୁଦ୍ରିକ ସୁରକ୍ଷା ଏବଂ ସ୍ଥାୟୀ ବିକାଶକୁ ପ୍ରୋତ୍ସାହିତ କରୁଥିବା ପଦକ୍ଷେପଗୁଡ଼ିକରେ ସକ୍ରିୟ ଭାବରେ ଅଂଶଗ୍ରହଣ କରିବୁ।ଦକ୍ଷିଣ ଏସୀୟ କୂଟନୀତି ସମ୍ପର୍କରେ କବୀର କହିଛନ୍ତି ଯେ, ତାରିକ ରହମାନ ସରକାର ସାର୍କ ଏବଂ ବିମଷ୍ଟେକ ସମେତ ଆଞ୍ଚଳିକ ସହଯୋଗ ଢାଞ୍ଚାକୁ ପୁନଃ ସକ୍ରିୟ କରିବାକୁ ଚାହୁଁଛନ୍ତି।
ଚର୍ଚ୍ଚା NEWS
