ଅଣ-ଡଲାର ‘ଟୋଲ୍’ ବ୍ୟବସ୍ଥା ଲାଗୁ କଲା ଇରାନ ::

BY-SUBHASMITA-dt-2.4.2026

dt-2.4.2026 ::ବିଶ୍ୱର ୨୦ ପ୍ରତିଶତ ତୈଳ ପରିବହନ ହେଉଥିବା ଏହି ଗୁରୁତ୍ୱପୂର୍ଣ୍ଣ ଜଳପଥ ଉପରେ ନିଜର ‘ପୂର୍ଣ୍ଣ ନିୟନ୍ତ୍ରଣ’ ଥିବା ଦାବି କରି ଇରାନ, ଭାରତ ସମେତ ଚୀନ ଓ ରୁଷ ଭଳି ବନ୍ଧୁ ଦେଶଗୁଡ଼ିକୁ ସୁରକ୍ଷିତ ଯାତାୟାତର ପ୍ରତିଶ୍ରୁତି ଦେଇଛି ।

ଶ୍ ଏସିଆରେ ଯୁଦ୍ଧ ଜନିତ ଉତ୍ତେଜନା ସତ୍ତ୍ୱେ ହର୍ମୁଜ ପ୍ରଣାଳୀ ଦେଇ ଗତି କରୁଥିବା ଭାରତୀୟ ଜାହାଜ ଓ ଭାରତର ସ୍ୱାର୍ଥ ସମ୍ପୂର୍ଣ୍ଣ ସୁରକ୍ଷିତ ରହିବ ବୋଲି ଇରାନ ସ୍ପଷ୍ଟ କରିଛି । ବିଶ୍ୱର ୨୦ ପ୍ରତିଶତ ତୈଳ ପରିବହନ ହେଉଥିବା ଏହି ଗୁରୁତ୍ୱପୂର୍ଣ୍ଣ ଜଳପଥ ଉପରେ ନିଜର ‘ପୂର୍ଣ୍ଣ ନିୟନ୍ତ୍ରଣ’ ଥିବା ଦାବି କରି ଇରାନ, ଭାରତ ସମେତ ଚୀନ ଓ ରୁଷ ଭଳି ବନ୍ଧୁ ଦେଶଗୁଡ଼ିକୁ ସୁରକ୍ଷିତ ଯାତାୟାତର ପ୍ରତିଶ୍ରୁତି ଦେଇଛି । ଏହା ସହିତ ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆରଜିସି) ପକ୍ଷରୁ ବାଣିଜ୍ୟିକ ଜାହାଜଗୁଡ଼ିକ ପାଇଁ ଏକ ସ୍ୱତନ୍ତ୍ର ‘ଟୋଲ୍’ ବ୍ୟବସ୍ଥା ଲାଗୁ କରାଯାଇଛି, ଯେଉଁଥିରେ ଆମେରିକୀୟ ଡଲାର ବଦଳରେ ଚାଇନିଜ ୟୁଆନ କିମ୍ବା କ୍ରିପ୍ଟୋକରେନ୍ସି (ୟୁଏସଡିଟି) ମାଧ୍ୟମରେ ଦେୟ ଆଦାୟ କରାଯାଉଥିବା ସୂଚନା ମିଳିଛି ।

ନୂଆଦିଲ୍ଲୀସ୍ଥିତ ଇରାନ ଦୂତାବାସ ‘ଏକ୍ସ’ ମାଧ୍ୟମରେ ଭାରତୀୟ ବନ୍ଧୁମାନେ ସୁରକ୍ଷିତ ହାତରେ ଥିବା ନେଇ ଆଶ୍ୱାସନା ଦେଇଛି, ଯାହା ଭାରତ ଭଳି ଏକ ବୃହତ ତୈଳ ଆମଦାନୀକାରୀ ଦେଶ ପାଇଁ ବଡ଼ ଆଶ୍ୱସ୍ତି ଆଣିଦେଇଛି। ଭାରତ ସରକାର ମଧ୍ୟ ଦେଶରେ ପର୍ଯ୍ୟାପ୍ତ ଇନ୍ଧନ ମହଜୁଦ ଥିବା ନେଇ ସ୍ପଷ୍ଟ କରିଛନ୍ତି। ଅନ୍ୟପଟେ, ଆଇଆରଜିସି ବର୍ତ୍ତମାନ ପ୍ରତି ବ୍ୟାରେଲ ତୈଳ ପିଛା ପ୍ରାୟ ୧ ଡଲାର ହିସାବରେ ଟୋଲ୍ ଆଦାୟ କରୁଛି। ଆମେରିକାର ଆର୍ଥିକ ପ୍ରତିବନ୍ଧକକୁ ଏଡ଼ାଇବା ପାଇଁ ଏହି ଦେୟ ପ୍ରକ୍ରିୟାରୁ ଡଲାରକୁ ବାଦ୍ ଦିଆଯାଇଛି ।

ଏହି ନୂତନ ବ୍ୟବସ୍ଥା ଅନୁଯାୟୀ, ହର୍ମୁଜ ପ୍ରଣାଳୀ ଦେଇ ଗତି କରିବାକୁ ଚାହୁଁଥିବା ଜାହାଜଗୁଡ଼ିକୁ ନିଜର ମାଲିକାନା, କାର୍ଗୋ ଏବଂ କ୍ରୁ ସଦସ୍ୟଙ୍କ ସମ୍ପୂର୍ଣ୍ଣ ବିବରଣୀ ଇରାନ ସଂଯୁକ୍ତ ମଧ୍ୟସ୍ଥିଙ୍କୁ ପ୍ରଦାନ କରିବାକୁ ପଡ଼ୁଛି। ଯେଉଁ ଦେଶଗୁଡ଼ିକ ସହିତ ଇରାନର ଭଲ ସମ୍ପର୍କ ରହିଛି, ସେମାନଙ୍କୁ ସହଜରେ ଅନୁମତି ମିଳୁଥିବା ବେଳେ ଅନ୍ୟମାନଙ୍କ ପାଇଁ ଏହି ମାର୍ଗ ବିପଦଜନକ ହୋଇଛି। ଯଦିଓ ଭାରତ ପାଇଁ ବିପଦ ନାହିଁ, ତଥାପି ବଢୁଥିବା ବୀମା ଖର୍ଚ୍ଚ ଓ ଡ୍ରୋନ୍ ଆକ୍ରମଣ ଭୟରେ ଅନେକ ଆନ୍ତର୍ଜାତୀୟ ସିପିଂ କମ୍ପାନୀ ଏହି ମାର୍ଗରୁ ଦୂରେଇ ରହୁଛନ୍ତି, ଯାହା ଫଳରେ ସାମୁଦ୍ରିକ ବାଣିଜ୍ୟ ଏବେ ମଧ୍ୟ ପ୍ରଭାବିତ ହୋଇ ରହିଛି ।

ଚର୍ଚ୍ଚା news