ସାମ୍ବାଦିକ- ରାଜୀବ କୁମାର ବେହେରାତାରିଖ- ୨୦- ୦୫-୨୦୨୬ ମୟୁରଭଞ୍ଜ: ମୟୁରଭଞ୍ଜ ଜିଲ୍ଲାରେ ପୁଣି ଫାଇନାନ୍ସ କମ୍ପାନୀ କର୍ମଚାରୀଙ୍କ ଦାଦାଗିରି ଘଟଣା ସାମ୍ନାକୁ ଆସିଛି। ଋଣ ଆଦାୟ ନାଁରେ ସାଧାରଣ ଲୋକଙ୍କୁ ଧମକ, ଅସଦ୍ବ୍ୟବହାର ଓ ମାନସିକ ଚାପ ଦେବା ଭଳି ଅଭିଯୋଗ ଦିନକୁ ଦିନ ବଢ଼ିବାରେ ଲାଗିଛି। ଏବେ ରସିଦ ମାଗିବାକୁ କେନ୍ଦ୍ର କରି ଜଣେ ଯୁବକଙ୍କ ଉପରେ ମରଣାତ୍ମକ ଆକ୍ରମଣ ହୋଇଥିବା ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।ଏଭଳି ଘଟଣା ଖୁଣ୍ଟା ଥାନା ଅଧୀନ ନହରା ଅଞ୍ଚଳରେ ଘଟିଥିବା ଜଣାପଡ଼ିଛି। ସଞ୍ଜିବ ବେହେରା ଓ ତାଙ୍କ ଭାଇ ରଞ୍ଜିତ ବେହେରା ବାଇକରେ ଉଦଳା ବଜାର ଯାଉଥିବା ବେଳେ ହାଇସ୍କୁଲ ଛକ ନିକଟରେ କିଛି ଫାଇନାନ୍ସ କର୍ମଚାରୀ ସେମାନଙ୍କୁ ଅଟକାଇଥିଲେ। ବକେୟା ଥିବା ୭ଟି କିସ୍ତି ଟଙ୍କା ତୁରନ୍ତ ଦେବାକୁ କହିବା ସହ ସମସ୍ତ ଟଙ୍କା ଦେଇନପାରିବାରୁ ବାଇକକୁ ଛଡ଼ାଇ ନେଇଥିବା ଅଭିଯୋଗ ହୋଇଛି। ପରେ ସଞ୍ଜିବ ଓ ରଞ୍ଜିତଙ୍କୁ ଉଦଳା…
